一年一度的香港書展，今個星期三就正式開幕。逛書展做文青之餘，也要「醫肚」；今次就為你介紹灣仔美食，有富香港特色的牛腩三文治，亦有清新又健康的夏威夷Acai Bowl，一大班人也可去主打船麵的noodle bar。吃飽後，又可繼續暢遊書海了。
1.$88 豆豉鯪魚凱撒沙律【港KONG by Bread & Beast】
這間小店相當特別，早上叫「Bread & Beast」，是一間三文治cafe；夜晚則叫「KONG」，是一間Hong Kong style bar。餐廳開業4年，上年開始試行這個concept，老闆Chris解釋說︰「我哋上年2月喺澳洲做咗個pop-up store，識咗好多外國chef，發現原來外國人好鍾意香港地道口味。我哋就諗，其實香港好多特色食物，可以用嚟mix & match，所以就想做Hong Kong style嘅bar。」
如他們的招牌牛腩三文治，用港人至愛的柱侯牛腩作為餡料，但做法就改燉為慢煮，「做番香港人熟悉嘅味道，等佢哋慢慢接受。」Chris又說，希望可以讓更多外國人嘗到地道的香港味道，「比如你去西餐廳食飯，人哋會畀餐前麵包你。咁當外國朋友嚟香港食飯，有無啲香港特色嘅餐前麵包呢？」他們就想到了兒時當早餐吃的蔥油餅，配上花雕雞肝醬。他們還創作出用中式糖水做的cocktail，全部都充滿地道風味。
港KONG by Bread & Beast
地址：灣仔汕頭街3號地舖
電話：2237 1868
營業時間：星期一至六，12nn-3pm及5pm-11pm、星期日，10am-4:30pm
2.$86 Cocobowl【Supabowl】
這間主打超級食物Acai Bowl的小店，由美國回港的老闆Danny和太太主理。兩年前他們在夏威夷初嘗Acai Bowl，一試便愛上︰「返到嚟發現香港好少鋪頭有賣，亦搵唔番夏威夷食過嘅質感同味道，於是我哋試下自己整，參考網上資料自學。」為了讓港人也能一嘗Acai Bowl的美味，他甚至遠赴巴西，找批發商空運只在亞馬遜出產的巴西莓（Acai）回港。
Acai Bowl由鮮果打成的果泥和各種健康配料組成，Danny除了參考夏威夷當地的做法，亦有就香港人口味，加入一些中國元素︰「外國人通常會喺Acai Bowl加果汁，但糖份偏高，於是我試下落羅漢果水，效果唔錯，對喉嚨又好。」而配料亦會有龍眼乾、杞子等選擇。為了令客人食得健康安心，Danny在餐牌列出所有材料，亦會隨季節轉用不同產地的生果，務求做到最新鮮和無添加。
Supabowl
地址：灣仔汕頭街4號地下A1號舖
電話：3565 4379
營業時間：星期二至五，8:30am-7pm、星期六，10am-7pm、星期日，10am-6pm、星期一休息
3.$68青木瓜鹹蛋沙拉【THAIPEI】
老闆Eric是台灣人，曾經營船街的THAIWAN酒吧。做酒吧時間長了感覺很累，想起泰籍太太的家族以前在家鄉做船麵，所以便開了這間主打船麵的noodle bar。餐廳的食物結合台灣和泰國特色，有泰國正宗口味，也有台式美食。泰菜材料能從當地進口的都從當地進口，香料不用多說，例如通菜，香港買到的也跟泰國的不一樣，金邊粉也是每天新鮮進口。台式美食，如鹹酥雞和台灣手工三色豬肉水餃店內也一一供應。
至於台泰混合菜，便要試泰北控肉飯。這個「泰北」是從THAIPEI音譯，並非泰國北部的意思。Eric解釋︰「控肉本來喺酒吧用嚟做刈包，由我媽咪傳授畀我太太。當初學嘅喺地道台灣口味，太太再加入泰式元素。」
THAIPEI
地址：灣仔廈門街7-17號百旺都中心地下B號舖
電話：3597 9450
營業時間：星期一至日，12nn-10:30pm
撰文︰王寶欣、鄧綺婷
攝影（部分）︰Benny
插畫︰何樂
編輯︰余運慶
美術︰招潤洪