葉蒨文激讚Sammi︰腰細名氣大

鄭秀文（Sammi）前晚舉行第三場個唱，繼續狂歌勁舞之餘，亦邀得葉蒨文（沙麗）任表演嘉賓。兩位天后在台上互笠高帽，沙麗大讚Sammi練得一副美好身材，令她非常羨慕！

鄭秀文前晚獲鍾楚紅、王菀之、蘇永康、張衞健、梁漢文等捧場，擔任表演嘉賓的葉蒨文，未待Sammi介紹，已經被升降台人員「升到」台上，場面搞笑。Sammi見狀笑言是次演唱會邀請的嘉賓是全女班：「不過多數嘉賓係細過我，但今晚（前晚）可以請嚟一位前輩，我都可以叫聲佢阿姐，有請沙麗姐！」

叮囑食多啲

沙麗大讚Sammi為個唱操練完美身材：「你身材咁靚，特別係你對腳同條腰、同埋個胸！你腰又細過我，年紀又細過我，腰細但名氣大！」她更叮囑Sammi多吃一點：「以前同你排舞時，我食大大個包，你食細細條菜。」Sammi說：「我依家食多咗，因為有玩健身。」二人隨即合唱她們97年的冠軍歌《談情說愛》，沙麗亦獨唱《憑着愛》。另外，Sammi在網上po後台花絮，相中驚見老公許志安半邊面，引來網民熱議。

撰文︰Pauline

編輯：李潔盈

美術：梁政敏