周柏豪2016年於泰國布吉與拍拖10年嘅女友Stephanie低調舉行婚禮,柏豪發放嘅婚照亦只見新娘背影,直至近年佢先多咗分享恩愛點滴,去年更自爆為冧太太而炮製新碟,而且打算生BB!男神變作人夫雖已成事實,但吸引力依然強勁,甚至「被」送上第二段婚姻。
(東星娛樂)
有一名自稱係「周太」嘅女士Linda話自己將會同柏豪展開新生活,仲印埋喜帖話「Linda and Pakho Chau」於8月18日會喺尖沙咀一間五星級酒店舉行婚宴!
(Facebook圖片)
自稱已改姓「周」
「周太」Linda年約40歲,面圓圓體態豐滿,不時於網上狂甫柏豪的單人照,但未見合照。
(Facebook截圖)
(Facebook截圖)
近月仲頻頻上載婚紗照、洋服店卡片、結婚公仔及出嫁用紅遮等,並留言:「周柏豪已和Stephanie離婚了。」仲話自己就快出嫁。
(Instagram截圖)
經理人:唔係事實
柏豪嘅社交網最近完全冇異樣,主要是Sell自家品牌服飾及上載工作照,最近更upload咗一張蛋撻相曬恩愛:「早收工已很滿足,回家還有最愛的曲奇蛋撻」,放閃話有人為佢買甜品,似乎同太太依然恩愛,估計待嫁Linda係佢嘅狂迷!對於傳聞,柏豪經理人昨日只說:「唔係事實嘅嘢唔回應。」
惹火柏豪
其實柏豪已經唔係第一次有「狂迷」埋身,大約3年前柏豪都試過有一位岑姓Fans日日喺社交網向佢表達愛意同關懷,當年唔少網民仲因為咁Follow咗柏豪同嗰位岑姓Fans!
通晒天!(Facebook截圖)
岑姓Fans仲話陳鍵鋒以前都係咁,佢仲提及過佢自己同林俊傑都有一段情!(Facebook截圖)
柏豪同女仔出街,佢仲嬲到話以後唔見柏豪!(Facebook截圖)
單機回覆。(Facebook截圖)
後來柏豪結婚,佢亦漸漸唔再活躍於社交網,事情告一段落。(Facebook截圖)