【聲明】港生活網站並無進行電話推廣活動

中電莊偉茵講故事 分享環保用電小Tips

發佈時間: 2019/07/19

一年一度嘅書展日前正式開鑼,黛安聽公關姊妹講,中華電力企業發展總裁莊偉茵(Quince)前日就去咗書展,為「名人講故事」環節打響頭炮,仲帶埋超人中中四人組,同成班小朋友講故事,教大家認識電力對日常生活嘅重要。

Quince同黛安分享,認為低碳生活習慣應該要從小培養,所以今年專登揀咗「電力與我」呢本故事書,同小朋友講故仔,等佢哋學識珍惜同安全用電,期間仲同小朋友大玩減碳生活問答遊戲!

黛安知道,中電今個書展仲推出咗全新嘅超人中中App,畀公眾可以去中電嘅書展攤位試玩。Quince話,留意到家長有時會同小朋友一齊用平板電腦睇卡通,所以靈機一觸就諗到推出呢個App,將中電《看到的電力》幼稚園教材套變做電子版,內含真人發聲嘅故事書,等父母可以隨時隨地陪仔女玩遊戲,學習惜物減碳,真係好有心思!嚟緊中電工程師亦會喺周末輪流現身攤位講故事,大家記住唔好錯過呀!

撰文: 黛安 消息特靈八卦公關
欄名: 八卦名利場