《愛回家之開心速遞》昨晚播出「戀愛路上的分岔口」一集，劇中講述Rebecca（沈可欣飾）暗戀的鐵面陳（王致狄飾）一直都對她冷漠沒有動心，甚至因為Rebecca對道德方面毫沒長進，令鐵面陳非常失望。而鐵面陳剛巧遇上意外，不小心觸電暈倒，Ma姐（何綺雲飾）路過發現他一度停止呼吸，即時為他做人工呼吸急救，Ma姐隨後去報警，交畀Rebecca照顧鐵面陳，鐵面陳醒來一刻以為Rebecca救了他，即時視她為救命恩人，復工後處處都照顧Rebecca，又為她在餐廳霸位食飯，又約她食飯睇戲，令Rebecca的心猶如沐浴愛河之中。
鐵面陳同Rebecca雖然未成戀人，但每次劇情都大放笑彈。（圖片：受訪者提供）
Rebecca投懷送抱不成功，反而Ma姐成為佢哋之間嘅第三者？（圖片：受訪者提供）
嘩，雖然頭髮遮住晒，不過Ma姐原來奪去咗鐵面陳嘅初吻。(圖片：《愛回家之開心速遞》截圖)
Rebecca為了討好鐵面陳，決定隱瞞Ma姐救鐵面陳的真相，但後來為了拯救Ma姐被富婆朗拿度太太（林漪娸飾）玩弄的困局，決定公開真相，不過鐵面陳沒有生氣之餘，還讚她誠實承擔責任，絕對是孺子可教。
雖然今次接吻是蜻蜓點水式，不過大家都好關係到底係咪Ma姐會介入戀情，王致狄接受《晴報》電話訪問，他表示：「Ma姐幫我急救，拍攝時要錫錫都冇尷尬，因為都係瞓喺度等人救，反而Ma姐幫我做心外壓，壓到我胸口真係有啲痛。」問到劇中鐵面陳會唔會陷入Rebecca同Mia三角關係入面？他說：「劇情就唔透露得住，不過可以講係之後都有幾多同Rebecca、Mia嘅戲，關係唔只咁添呀，仲有王朝（莫家淦飾）同馬漢（衛志豪飾）兩個保安部兄弟，希望觀眾可以多多支持同留意。」
Rebecca一向好愛鐵面陳。(圖片：沈可欣 IG）
上次Rebecca發夢同鐵面陳結婚一幕，都係差丁點先錫到。(圖片：《愛回家之開心速遞》截圖)
鐵面陳話嚟緊感情線仲會同王朝、馬漢有關。(圖片：王致狄IG)
今年35歲的王致狄入行十年，在《愛回家》入面飾演「鐵面陳」一角而廣為人知，他直言出街好多人都直接稱呼他做「鐵面陳」，他一向熱愛運動，平日有時間就會去跑步同游水，42吋胸肌加上強勁臂彎，所以先後在劇集入面抱起過池美麗（鍾凱琪飾）和群姐（許思敏飾），絕對亳無難度。其實王致狄為了追夢，不惜放棄愛情，他表示：「16歲開始喺加拿大度讀書，後來畢業喺當地做銀行經理，不過2009年因為想照顧係香港住嘅爸爸媽媽，所以我回流返香港，當時有個好好嘅女朋友，拍咗拖一段時間，不過要返香港工作，所以無奈要分手。」
鐵面陳真係好大隻呀！(圖片：王致狄IG)
嘩，佢抱起池美麗，真係好勇猛。(圖片：王致狄IG)
佢都抱過群姐同 Icy呀！(圖片：王致狄IG)