元朗站昨晚發生襲擊事件，數十名白衣人士公然衝入月台和車廂毆打市民，造成極大混亂和大批市民受傷，令香港人極度憤怒和痛心。前無綫新聞主播柳俊江在事件中被打至頭破血流，無綫新聞直播的畫面中見到他的傷勢非常嚴重，鮮血披面，要送院治理。
直至今早，柳俊江在社交平台交代情況，他留言說：「要各位擔心，先說聲對不起。凌晨在醫院仲有力影張咁嘅相，證明我冇事。血有點多，影出來比較誇張，但只是頭上縫了8針，幸好沒傷及頭骨，身體各處縫了幾針，還有很多擦傷和瘀傷，無謂展示了。對我來說，昨天本來是安穩的一天，我沒有去遊行，整天都和小朋友在家玩。直到晚上看到元朗站的直播，才決定出發去幫忙。」
柳俊江2010年離開無綫新聞部。（圖片：柳俊江Facebook）
柳俊江被襲擊至頭破血流。(圖片：無綫新聞電視截圖)
柳俊江傷勢嚴重，頭上縫了8針，身上多處都要縫針。（圖片：柳俊江Facebook）
「睇住元朗嘅市民無辜被毆打，求助無門，作為香港人，我諗我只能夠盡力去幫助他們離開。到達現場後，先載了三位年輕人回家，折返了解仲有無人需要幫助時，就發生了事件。呼籲大家逃走時，回頭發現有市民落單被圍毆，情況危急，無奈跑回頭想把他拉走。可惜，是不自量力。被四五人圍毆，鐵通打在頭上，血不斷淌，咁大個仔未見過咁多血。打了不知多久，有人走來幫忙叫停，anyway，感謝他。然後就不贅了。漫長一夜，謝謝很多朋友的問候，原諒我未能逐一回覆。聽得最多的一句，係話『小心呀，屋企有大有細⋯』但係，正正係「有大有細」，我地先要勇敢去守護，不是嗎？
鍾舒漫和鍾舒祺兩姊妹原本在西鐵站同朋友食飯，只是剛好朋友開車車她們回家，避開一劫，舒祺留言說：「我唔係想湊熱鬧，只係想講畀人傷害嗰個都可能係我哋或者係我哋屋企人！呢個社會話畀我哋聽，乜嘢叫以惡為首！只要你惡就可以當權，只要你當權你就可以惡！究竟這是甚麼的道理......有人嘅地方就有家，就算係一塊爛地，有彼此就係有家！」
蔣雅文原本來港出席書展活動宣傳新書。（圖片：東星娛樂）
蔣雅文決定今日攤檔罷市一天。(圖片：蔣雅文 IG)
在台灣結婚後定居的蔣雅文近日為自己推出的新書返港，她早前在書展舉辦簽書會，但由於昨日遊行日，她忍痛取消簽書活動，而鑑於昨晚發生的流血事件，蔣雅文決定出版社「釀字工房」的書展攤位罷市一天，她說：「雖然我們不是甚麼大企業，參與罷工罷市也許不會帶來甚麼改變，但生於亂世，保護同伴及堅守自己信念是更重要的事。」
吳若希在社交平台表示自己住元朗。（圖片：吳若希IG )
吳若希穿黑衣留言「勿打」。（圖片：吳若希IG )
吳若希在社交平台上載穿黑衣的自拍照，她留言說：「利申：住元朗，今日要出開中環睇醫生，因為落雨所以有帶遮，＃勿打」
另外，不少藝人都關注事件，直認事件的發生令他們徹夜難眠。部分藝人留言如下：
黃家樂：「人在做，天在看，因果不空，善惡終有報！」
梁嘉琪：「好痛心，這裡是那兒？我不認識你！」
林秀怡：「好想大喊」
何佩珉：「垃圾！好嬲好嬲好嬲！拎住枝棍係咁打人好_叻？」
許廷鏗：「點解香港會發生一件咁嘅事？有人會喺一個本身安全嘅地方畀人打到咁？」
張明偉：「我呢世都會記住尋晚元朗親眼目睹嘅畫面。God Bless Hong Kong」