黎小田為薛家燕冷病

薛家燕、黎小田、胡諾言及陳敏之主持的音樂節目《流行經典50年》，已於本月初交棒給新主持胡楓接力。家燕姐早前特別設宴答謝一班台前幕後，就連久未露面的黎小田亦畀面出席，令家燕姐十分感動。

薛家燕早前假銅鑼灣一間食肆筵開四席，慰勞《流行經典50年》台前幕後，黎小田早前因肺炎要在家休養，今次現身見他精神不俗。家燕姐說︰「多謝大家支持同配合，大家工作得好開心，好多謝小田咁錫我，為我做呢個節目，好感動。」黎小田自爆因錄影廠的冷氣太強，令他病倒，他說︰「你知電視台啲冷氣啦！做到我病咗，係肺炎，醫咗一輪，依家好番。」

當日家燕姐和敏之帶來不少代言禮物，黎小田亦封了兩封利市，給大家抽獎，現場充滿歡樂氣氛。敏之表示︰「呢兩年我哋已經成為一家人，所以見到小田哥好開心，放心，我一定會將你哋辛苦經營咁好嘅節目承傳落去。」

撰文︰倪小珊

編輯︰李潔盈

美術︰梁政敏