《愛回家之開心速遞》昨晚和今晚一連兩日播放《 公主出走記（上）、(下)》，故事講到龍家大小姐龍力蓮（林淑敏飾）在名媛界聽到司徒獨孤明珠（馬蹄露飾）要借精生下小朋友的事，一眾名媛更準備睇好戲，邊個取得股份上位，就代表邊個係「捐精者」。大小姐為了不想男朋友送水輝（許家傑飾）出醜於人，她決定不想只有男方付出，下定決心要放棄龍家的名利，與送水輝遠走高飛。不過，她最放不下心的就是KC舅父（歐瑞偉飾）和細佬Terry（李偉健飾），擔心她離開之後在接龍沒有地位，於是為舅父開設律師樓，沒想到兩人始終不爭氣，接手三日就放棄，激死大小姐。
送水輝竟然大膽話大小姐係「人頭豬」。（圖片：《愛回家之開心速遞》電視截圖）
大小姐聽到一眾名媛八卦司徒獨孤明珠借精生子的事。（圖片：《愛回家之開心速遞》電視截圖）
大小姐為舅父準備好一切後著，沒想到他三日就已經放棄律師樓。（圖片：《愛回家之開心速遞》電視截圖）
大小姐擔心將來輝輝得到司徒獨孤明珠的財產後，卻要賠上榮辱。（圖片：《愛回家之開心速遞》電視截圖）
大小姐將自己的名牌手袋全部送給熊若水。（圖片：《愛回家之開心速遞》電視截圖）
大小姐去到家庭的飯局時，向爸爸表達不會嫁給Jacky，更拖實送水輝正式介紹是她的男朋友，飯局入面的爸爸龍敢威（羅樂林飾）和二、三房的家人都大為吃驚。預告入面，大小姐直接離開Jacky，跟送水輝遠走，但暫時未有交代大龍生如何處置大小姐，不過二房的細龍生同媽媽已經率先興奮慶祝，一心認為繼承權掌握手中。
大小姐拖實送水輝見爸爸。（圖片：《愛回家之開心速遞》電視截圖）
不少網友都大為雀躍，直指今次是「期待已久的畫面」。部分網友留言如下：
「終於可以光明正大一齊啦」
「作為蓮輝粉真係好感動好感動，等左（咗）呢日勁耐，蓮輝要幸福啊」
「等咗一年，終於可以。」
「終於都攤牌，係作為蓮輝粉一直最期待嘅一刻。」
飾演送水輝的家傑對大家的反應都非常看重，回覆不少的留言，他直言：「呢一集真係好激動，亦都諗咗好耐點做...等左一年，雖然係有啲長終於夢想成真，希望大家繼續支持！」當大家都好開心同興奮，家傑留言又似乎有所暗示，他留言說：「真係咁簡單？」搞到似是而非，唔會又係發夢卦？
其實送水輝同大小姐的戀情，由106集開始，起初送水輝只是客串的角色，沒想到大小姐心心眼嘅互動令觀眾大為接受，隨後兩個角色打破地位上的隔膜，由292集「出租男友」開始互生情愫，慢慢入戲太深而愛上對方，一直以來都低調戀情，直至大小姐收到「婚令」，大龍生要求她9月9日要跟「商心小棧」的Jacky結婚，令送水輝不得不用盡一切方法去爭取跟大小姐一齊，今次拖手未知是否真的修成正果，令人非常期待今晚，會否又再打破收視紀錄呢？
大小姐同送水輝是非常受歡迎的一對熒幕情侶。（圖片：許家傑IG）
戲內是超越物質的小情人，戲外是非常親近的好拍檔。（圖片：許家傑IG）