《愛回家之開心速遞》入面飾演龍家二太太的蘇恩磁，在演藝圈29年的時間，演過無數角色，最深入民心的就是師奶婦孺，2016年獲《Sunday好戲王》節目頒發「另類好戲王 - 闊太王」的獎之後，獲《愛回家》邀請擔任龍家二太的角色，非常成功，大受歡迎。蘇恩磁接受《晴報》專訪說：「我依家出親街，個個都叫我龍太，我都唔知點應人好！」她直言在劇中龍家幾房人的關係雖然鬥到你死我活，但現實生活中，跟同劇的演員都非常老友，她說：「龍家演員合作得好開心，如果開工遇到龍家齊人，每次都會影合照留念。劇集開初未有樊亦敏出現，我之前角色性格就唔同，不過樊亦敏一出場就好鬼潑辣，我就冇得唔改變，轉換一下角色性格，所以近來我角色都變得潑辣啲，冇以前咁高貴大方同溫馴。」蘇恩磁笑言經常被標籤為闊太，但事實上她也演過很多街坊或師奶的角色。
一click即睇：
蘇恩磁近年跟「龍家二太」的關係密不可分。（《晴報》圖片）
過往演活無數師奶和小市民的角色，深入民心。（《晴報》圖片）
蘇恩磁指龍家演員合作得非常開心，每次齊人都要影大合照。(圖片：蘇恩磁微博)
蘇恩磁在劇中演高貴大方的闊太。(圖片：蘇恩磁微博)
蘇恩磁在1973年畢業於無綫電視第二期藝員訓練班，同期同學有伍衛國、盧宛茵、吳浣儀等，她反叛的性格沒有理會家人的反對，堅持入行，很快就當上女主角，但後來發展不太順利，她一度離開演藝事業，走到辦公室做文員的工作，可惜個性都是活躍，兜兜轉轉在1990年重返無綫，一演就演到依家，差不多29年時間。首次演別人的媽媽正是《龍影俠》入面演李克勤的媽媽，事實上她跟克勤的年紀只差14歲，她說：「開頭都好難接受，後來知道我係演佢三個阿媽其中一個，咁就可以接受到啦！」演過這麼多師奶的角色，私底下的蘇恩磁是否同樣是師奶心態呢？她說：「我完全唔係一位師奶，因為我唔識煮飯，連洗衣機都係最近先學識用，以前可能係家人好照顧我，咁我媽媽年紀開始大，佢擔心會負累我，所以自願入住老人院。以前，佢唔畀我入廚房，因為廚房係佢個天地，亦係我嘅禁地，直到依家我一個人住，媽媽冇一齊住，冇人教我，所以媽媽臨入老人院之前，先教識我點用個洗衣機。」
蘇恩磁以往在大大小小的劇集都有參與演出。(圖片：蘇恩磁微博)
第一次踏上「媽媽」角色，就是《龍影俠》中演李克勤的媽媽。（圖片：電視截圖）
蘇恩磁跟圈中好多演員都成為好朋友，古明華是其中一位。(圖片：蘇恩磁微博)
蘇恩磁曾經被嘲是「茄喱啡」。（《晴報》圖片）
蘇恩磁直言演藝生涯累積很多不同的經驗，但往往出街見到市民大眾，大家都叫不出名字，她更遇過一次無禮的對待，她說：「曾經同朋友喺新加坡機場，遇到有人講：『佢咪茄喱啡囉！』我當時聽唔到，只係我朋友聽到，當時都會唔開心，但後來我諗諗，如果我聽到的話，我想回應佢：『你真好，連無綫啲茄喱啡都認得出』」問到有沒有角色好想演？蘇恩磁竟然二話不說答：「老鴇，當年我唔肯演，依家你要我演妓女我都願，依家冇人再要我演呢種角色，因為我老喇。當時我唔知自己仲可以演老鴇，原來係一種光榮。當年好擔心, 如果你肯演老鴇，就以後每個戲都演老鴇，劇組懶得再搵第二個去演，每個戲都搵你演老鴇。你睇吓陳榮峻，結婚之後，所有佢太太嘅角色都搵吳香倫，我哋就慘被連累，變相少咗好多演出機會。」
2014年蘇恩磁獲頒發「專業演員大獎」，演藝工作終於獲得肯定。（圖片：蘇恩磁微博）
《愛回家》中，蘇恩磁飾演的二太太跟鍾志光演的佳叔是舊情人。(圖片：蘇恩磁微博)
蘇恩磁感慨指很多人認為這一行很多姿多采，但其實很寂寞，當然開劇投入角色的時候，會認識到同劇的一班人，但當劇集拍完，所有人又會變得很疏離。問到她的感情生活，她說：「我是單身，單身很長一段時間了，人年紀漸大，慢慢明白到人會選擇你，你亦會選擇別人，不會強求。」她感恩過去雖然演出都是小角色，但在2014年的《萬千星輝頒獎典禮》獲「專業演員大獎」，她說：「對我演藝事業而言係一個肯定，曾經我被人話我不配同佢對戲，得獎亦即係被肯定，而唔再係某某某。我繼續演戲，因為我想有更多人認識我，咁我就可以做更多有意義嘅事，好似我同羅蘭姐、梁舜燕等一齊去做義工咁。其實咩年紀都唔緊要，只要有夢想，為自己夢想努力，好似我咁，做自己鍾意嘅嘢就得，大家一齊努力，加油！」
蘇恩磁認為現在的心態是希望保持人氣，令她的義工工作能夠繼續順利參與。（圖片：蘇恩磁微博）
場地：Playt＠銅鑼灣柏寧酒店