相信好多人都會認為，富家千金嘅擇偶條件一定會比普通女生要求更高、更有原則。但原來佢哋揀老公，唔一定要搵「高、富、帥」嘅男人，反而擁有以下幾種特質嘅男人更容易吸引到富家千金嘅注意同傾慕，暖男絕對係必殺技。
最接近神嘅男人 — 黎諾懿
黎諾懿係網民公認嘅「完美男人」，佢唔單止靚仔、高大又有型，最重要嘅係，佢會願意付出大部分時間同心機，為另一半製造浪漫驚喜。黎諾懿同佢太太李潔瑩(Nicole)透過周美欣介紹認識, 兩人拍拖3年就宣布婚訊，喺2014年正式拉埋天窗，直到2017年4月更榮升做新手爸爸。黎諾懿老婆Nicole係富家千金，佢爸爸有經營生意及手持物業，估計坐擁5億身家。而諾懿係公屋出身，細個時爸爸又因病離世，只有媽媽獨力養大佢哋三兄弟，即使黎諾懿冇父蔭，但佢仍能憑著後天嘅努力打出名堂。黎諾懿其中一個深受觀眾歡迎嘅角色就係喺《愛回家》中飾演馬壯一角。大家只要講「神之馬壯」，就會知係邊個。另外，馬壯亦有句口頭蟬「我係最接近神嘅男人」，亦曾被網民廣泛使用。
黎諾懿對Nicole一向寵愛有加，連送畀太太嘅生日蛋糕都係自己落手落腳整，而每年結婚周年紀念都會送唔同顏色嘅戒指畀太太，直至所有顏色都送齊為止。另外，諾懿呢個好爸爸，無論佢返工有幾忙、有幾攰都好，收工返到屋企，一定會為太太分擔家頭細務，又照顧囝囝小春雞。
(黎諾懿ig@lokyilai)
(黎諾懿ig@lokyilai)
(黎諾懿ig@lokyilai)
布志綸 — 憑浪漫歌聲冧掂愛妻
布志綸(Alan)係本地樂隊Mr.嘅主音，佢憑著聲線似足陳奕迅嘅優勢而令樂隊極速爆紅。身為雙魚座男嘅Alan天生情感豐富，多愁善感，佢選擇以唱歌為職業絕對係不二之選。由於佢演唱情感句句到位，而且又識玩唔同種類嘅樂器同作曲，實在係冧女嘅最強殺手鐧！相信Sally就係畀Alan嘅才華深深吸引。
Alan同拍拖4年嘅富家女友Sally喺2014年結婚，Sally家境富裕，身家坐擁10億，但Alan堅持用儲蓄多年嘅「老婆本」辦百萬婚禮。Alan一向將感情低調處理，總是拒絕被稱呼為「十億駙馬」，他表示自己唔追求大富大貴，身上著嘅衫都係百多蚊嘅平民價衫褲，夠晒貼地踏實。
(布志綸ig@mralan229)
(布志綸ig@mralan229)
形象百變吳家樂 實質係暖男一名
吳家樂除了司儀工作外，近年都密密見到他的劇集演出，參演好多與別不同嘅角色。喺演藝世界中形象百變嘅吳家樂，實質原來係一個暖男。吳家樂喺2006年初同當時拍拖一年嘅女友其士集團太子女周蕙蕙結婚，隨後生咗大女Nadia同一對孖仔。家樂雖然平時唔識製造浪漫，又未試過買花送畀老婆，但其實佢係一個好照顧人嘅男人。有次，家樂仔被傳媒影到佢為3個寶貝仔女喺放假嘅時候，plan咗個小小離島遊，帶小朋友坐遊艇，其間仲見到佢主動拎出手機叫大女影相，再搭住愛妻膊頭，一家人齊齊影大合照，非常溫馨。今年47歲嘅吳家樂演技精湛，成功令觀眾留下深刻印象. 《城寨英雄》的馮春美，演繹出雌雄同體、性格複雜嘅九龍城寨黃業龍頭大哥，演得出神入化，獲得大眾讚賞，而新劇《包青天再起風雲》中，家樂會再次飾演一人分飾兩角嘅角色(杜江杜海)，唔知佢今次又會唔會有新嘅突破呢？
（吳家樂個人facebook圖片）
(《城寨英雄》@TVB電視截圖)
(《城寨英雄》@TVB電視截圖)
(《包青天再起風雲》@TVB電視截圖)
(《包青天再起風雲》@TVB電視截圖)