受吳少芳啟發 Sammi︰佢充滿正能量

鄭秀文（Sammi）前晚在紅館舉行第十場演唱會，並邀請了前女子組合Face To Face成員吳少芳（Jodi）做嘉賓，Jodi與Sammi曾經參加同一屆新秀歌唱大賽，但Jodi不幸在92年遇上交通意外致四肢癱瘓，現時只有左手手指可以輕微郁動，兩人在台上的互動，感動了全場觀眾。

Sammi介紹吳少芳出場前表示，希望這次演唱會能賦予更多愛的意義，Sammi︰「我打電話邀請佢時，佢馬上就應承。你唔好以為Jodi行動不便，但佢真的非常喜歡唱歌，會不時同朋友到街上busking表演唱歌，我都從佢身上得到好大啟發，喺佢嘅經歷睇到佢嘅不放棄、不斷咁奮鬥，充滿正能量。」

坐着輪椅的Jodi，在台上亦謙虛地說︰「我驚自己唱得唔好，希望自己唔好喊，你哋會唔會畀啲鼓勵我呀？」台下即時掌聲如雷。Sammi亦大爆Jodi是廚藝高手，由她口述指導、監製配方的花椒辣椒油超級好味，Sammi稱︰「希望有一日可以推出市面發售，可唔可以整多十罐畀我？」Jodi即時大方答應。

願大家抱住「半杯水」

Jodi亦憶述在一次慈善探訪活動上巧遇Sammi，並獲對方為她祈禱，她說︰「當時Sammi踎喺我前面，對手放喺我雙手上面，期間我喊到又眼淚又鼻水，好怕整到Sammi啲頭髮，喺好擔心嘅時候，突然感受到有手按住喺我頭上，心諗明明Sammi對手喺我手上，佢有第三隻手？後來睇相，當時無手喺我頭上，係Sammi嘅禱告令我感到主耶穌的臨在。」之後她便獨唱一曲親自創作的《WhyＭe》，事後她表示︰「希望大家抱住『半杯水』想法，珍惜擁有，找回自己的beautiful day。」

撰文︰倪小珊

編輯︰黃卉彤

美術︰梁政敏