唔係人人一出世就天生麗質，不過好多女人相信一白遮三醜，所以由中國戰國時代開始，女人已經識化妝去博得異性好感。就算嫁咗畀人都唔可以鬆懈，因為要同其他女人共侍一個老公，要保持花容月貌先可以突圍而出。直至現代，女藝人都係好依賴化妝，除咗工作需要，靠濃妝放大表情之外，平時出門都要化，因為喺歲月磨滅下難免會有衰老的徵狀，為免被記者偷影到，佢哋都紛紛化妝遮蓋臉上皺紋同瑕疵。結果女藝人嘅臉上總係化上完美妝容，保持最佳一面示人，佢哋嘅素顏就變得好神秘。
不過為咗拉近粉絲同自己嘅距離，唔少女藝人主動大晒素顏，以天生好膚質、濃眉大眼暗示自己真係美人胚子。以下有唔少TVB女藝人就將一層層嘅化妝品卸走，敢於公開裸肌，當中不乏《愛．回家之開心速遞》全劇女演員。
樊亦敏
近日48歲嘅樊亦敏上載咗張素顏相，簡直要以驚為天人嚟形容，好多網民都狂讚靚爆鏡，又話佢好似混血兒！梗係啦，樊亦敏由以前做陽光檸檬茶廣告嗰陣已經出咗名靚。
湯盈盈
本身都搵唔到盈盈唔化妝嘅樣，咁啱佢影化妝品嗰陣影埋自己入鏡！
呂慧儀
呂慧儀特別鍾意行山、吹海風，希望放鬆心情，好多網民都大讚佢素顏後皮膚好似剝殼雞蛋咁，係陽光女神，甚至有人讚36歲嘅佢好似細咗20年，成個後生學生妹咁。
蘇韻姿
身為港姐，蘇韻姿當然係青春迫人啦。
滕麗名
滕麗名踢走咗衰人魏俊傑之後就愈來愈靚，容光煥發，原來係因為有愛情滋潤！唔怪之得又靚又索嘅佢成功馭夫，令到對方唔鍾意返屋企都變成住家男啦。
林淑敏
林淑敏對眼夠大，只係比平時差咗啲氣勢。
陳偉琪
冇化妝嘅Vicky雙眼皮冇咁深，而且眼距有啲大，所以平時多數靠黐假眼睫毛撐返起對眼。
岑杏賢
岑杏賢反而唔化妝仲靚，可能本身雙眼皮比較淺，化妝戴咗假眼睫毛反而食咗入眼皮度變咗好浮腫。
姚瑩瑩
瑩瑩唔化妝都係個靚媽咪！
林凱恩
林凱恩化同唔化真係冇乜分別，好勁。
沈可欣
沈可欣雖然遮咗大半個樣，不過都睇得出係靚女一名。
梁茵
梁茵落咗妝平易近人好多，冇咁大距離感。
何綺雲
何綺雲只係對眼失咗神。
何艷娟
何艷娟呢張應該仲有少少妝，不過搵勻佢Instagram都冇一張完全落咗妝嘅相。
周梓盈
周梓盈曾經被歐陽震華喺《晴報》訪問大讚佢係同萬綺雯似足99.9%嘅靚女，佢話佢哋無論動作、表情、樣，所有嘢都好似。
許思敏
群姐許思敏都有素顏相？梗係冇啦，不過可以畀大家睇吓佢以前少女嘅靚相！
邵珮詩
估唔到邵珮詩唔化妝好似小朋友咁，話佢係中學生都有人信。
李綺雯
李綺雯係大眼妹一名，不過用咗美圖秀秀，唔夠真喎。
楊秀惠
楊秀惠素顏好清純呀。
謝㺭圻（原名謝芷倫）
搵到去幾年前，謝㺭圻都係冇素顏相，因為佢就算唔化妝都會用太陽眼鏡遮住，唯一素顏就低咗頭。
劉思希
劉思希臉色比較暗啞、膚色偏光，不過基本上都冇乜分別。
黃穎君
黃穎君紋咗眼眉、眼線，所以唔係完全素，不過皮膚真係好好。
葉凱茵
葉凱茵黑眼圈比較大，化妝遮返少少就ok喇。
鄺潔楹
鄺潔楹細細粒、白雪雪，之前佢試過喺直播度素顏出鏡，當時已經被唔少男網民大讚好索。
鍾凱琪
鍾凱琪唔化妝反而自然好多，會比較鍾意呢個樣。
(各大藝人instagram)