張致恒(Steven)自早前公布婚訊及已育有3個月大嘅仔仔後, 隨即爆發「多角戀桃色風波」, 有份牽涉在內嘅「受害者」愈揭愈多, 觸發到涉事嘅受害人一同聯手公開控訴被Steven欺騙感情, 致Steven形象嚴重插水。事件爆出後, 同時亦觸動到Steven內地粉絲嘅情緒，決定解散「張致恒Steven後援會」, 後援會嘅微博專頁喺前日就出Po表示：「該來的還是沒有來，該散的都散了吧！大家後會無期 @張致恆steven再見！」
Steven今次嘅桃色事件牽連大波, 除咗影響到幾位圈外女生外, 亦影響到唔少圈中女藝人。其一係Steven圈中首位女朋友傅珮嘉, 佢最近喺個人ig上Po相並表示:「最近心情一直是混濁的，五味雜陳百感交集。」，令網民聯想到佢心情混濁係同「被翻舊情史」有關，不禁留言:「好彩你走得快, 如果唔係結咗婚先發現佢係渣男仲慘啦!」不過傅珮嘉到目前為止仍未有對Steven嘅桃色事件作出任何回應, 亦未有喺照片嘅撰文內容解釋佢最近心情混亂嘅原因。
(微博@張致恒Steven後援會)
傅珮嘉ig晒十周年婚照「遇到對的人」
已為人妻嘅傅珮嘉(Maggie), 係Steven圈中第一位女朋友。據消息指, 兩人分手嘅原因係Steven被發現偷食女網友，以至Maggie怒斬情絲。後來傅珮嘉亦搵到佢嘅真命天子, 仲喺10年宣布同台灣男友結婚，婚後誕下一子Jasper，一家三口幸福美滿。最近, Maggie喺個人ig上Po出一張同老公十年前嘅結婚照, 並撰文話:「趁10тн αииινєяѕαяу(10周年紀念日)公諸於世。紀念日當天完全提不起勁慶祝, 還非常不識趣的婉拒老公特地訂好晚餐的美意。最近心情一直是混濁的, 五味雜陳百感交集, 不過我內心深處還是感恩滿滿的。認識我的都知道, 姐人生最大成就便是遇到對的人, 所以再苦再難都不怕, 因為你知道這個人是會陪你走下去的。」
(傅珮嘉同老公嘅十年前結婚照@傅珮嘉ig:fufuamulet)
傅珮嘉(Maggie)同老公雖然已經係老夫老妻, 但Maggie時不時都會大晒同老公、仔仔嘅合照放閃, 仲會寫下好多感人又甜蜜嘅說話:「我們兩個人, 個性完全兩極。我多愁善感；他正面樂觀, 我脾氣不好；他EQ(情商)超級高, 我憤世嫉俗；他心靜如水, 我愛鑽牛角尖；他只解決問題。反正兩個亳不搭嘎的人, 竟然可以結婚快十年。」令粉絲們都非常羨慕, 並送上祝福:「不要回看過去，不如奮鬥將來」、「傅姐真的嫁了一位好丈夫！」
(傅珮嘉同老公合照@傅珮嘉ig:fufuamulet)
(傅珮嘉同老公合照@傅珮嘉ig:fufuamulet)
(傅珮嘉同仔仔合照@傅珮嘉ig:fufuamulet)