PayMe連接「轉數快」 即時轉帳更方便

依家用電子支付愈來愈普及，黛安收到風，滙豐新版PayMe推出新測試功能，新介面增設咗快速點擊清單，可以迅速揀最常用嘅功能，好似付款、增值同轉帳至銀行戶口等。另外，仲可連接「轉數快」喺多個渠道為PayMe增值，即時轉帳去其他銀行戶口同電子錢包！由即日起，新版PayMe嘅Beta測試版可以下載試用啦！

無論邊間本地銀行戶口或電子錢包，都可以喺PayMe用「轉數快」即時轉帳，交易費用全免。新版PayMe用戶仲可以透過直接付款，授權服務從210家本地銀行做戶口增值，每個月上限5萬蚊。

公關姊妹仲話，新版PayMe支援滙豐同其他10家本地銀行嘅個人戶口、或任何一張港元Visa或萬事達個人信用卡增值服務，信用卡每月增值上限好快會調整到2千蚊。黛安都會叫埋朋友一齊下載試試先！