舊年嘅落選港姐工藤佑采差不多消失於幕前一年，日前佢着校服扮學生現身為Viu TV拍攝節目《晚吹-女學生吹水班》。工藤佑采分享自己「消失」期間做OL，幫朋友做生意，依家係自由身，但對幕前工作仍有興趣：「傾緊簽經理人，拍劇和電影都有興趣，唱歌跳舞就差少少，唱歌時就跳唔到舞，跳舞時唱歌有啲甩。」問到TVB有否聯絡她時，工藤顯得避忌：「唔方便講，呢個話題最好唔好講，佢哋未必喜歡我講。」
▲ （東星娛樂）
被封黑面港姐嘅工藤佑采舊年選舉之後被2012年度港姐亞軍黃心穎公開批評：
談到今屆落選佳麗工藤佑采於IG為港姐監製何小慧批評她態度不好平反，心穎聞言謂：「咁呢件事我覺得佢唔啱，選美過程一定係辛苦，當年我選係隔兩日就做唔同嘢，人哋做到，佢做唔到係自己問題，仲以為黑面係佢跳舞態度，如果係做人態度就唔抵爭。（覺唔覺得落選仲要做布景板好慘？）唔覺得，當年我哋係最後十強先可以喺決賽出現，但今屆係20個都可以已經好好，辛苦咗咁多個月，梗係想喺台上展現自己，留個好好嘅回憶，所以應該跳好佢，咁樣就徹底對佢失望。」
▲ （東星娛樂）
之後二人就開始隔空罵戰。
▲ 工藤佑采當日打一大段文字反擊黃心穎話「徹底對工藤佑采失望」。（工藤佑采IG）
▲ 黃心穎與許志安早前爆出偷食事件。（黃心穎IG）
早前發生「安心偷食」事件後，工藤佑采更在IG出post直指：「時間就是會證明一切、甚麼乖乖女、道德高地，都是假的。」隨即獲不少網民附和及激讚她的預言準確。
▲「安心偷食」爆煲後佢都不忘執雞。（工藤佑采IG）
對網民讚她是先知，讚她睇黃心穎好準？工藤佑采今次受訪就冇再踩多一腳：「我成日睇錯，有時準，有時錯，可能有時我覺得佢壞，但又幾好。至於問到「安心事件」係咪佢意料中事？她仲突然變得慎言：「好難回應，唔評論佢個人行為，同我無關，唔係佢直接話我。」至於認知對方本性是否這樣？她表示冇向呢方面諗。
▲（東星娛樂）