【十二傳說】御用學生妹王卓淇爆喊演出 五官「再進化」甩土味?

無綫劇集《十二傳說》昨晚一集講到「盧亭魚人殺人事件」。有份參演劇中角色「曉盈」嘅王卓淇（Erin），喺劇中被揭殺死鄭雷及張錫鐵後，爆喊講出佢殺人嘅動機。呢場喊戲引起唔少網民熱議討論，話佢演技有進步。過去演技備受抨擊嘅Erin，大多數都係演學生妹嘅角色，琴晚《十二傳說》嘅「盧亭魚人殺人事件」劇集，Erin既係被害者又係殺人兇手，佢激動落淚解釋殺人動機嗰一幕，令觀眾對佢另眼相看：「TVB近年出色女藝人」、「演技大爆發」、「睇見佢喊，我都差啲忍唔住要喊喇...」。不過亦有網民認為，佢啲演技仲係好差：「囡囡演技太差」、「可能佢唔喊好過」、「啲戲好屎啊」。

Erin過去曾被傳過同吳業坤拍拖，但因為有第三者介入而導致兩人分手。不過事後兩人都異口同聲咁否認同對方拍拖。Erin澄清後，就開始投入工作，而且仲得到愈來愈多工作嘅機會，好多劇集都有份演出。

{{hket:inline-image name="gggfdgsgdg.jpg"}}{{/hket:inline-image}}

(《十二傳說》電視截圖＠TVB)

參選港姐後被網民起底 搜出多張「變靚前」照片?

網民除咗留意Erin嘅演技之外, 過往對於Erin嘅容貌有好大爭論。Erin喺參選港姐奪得亞軍之後, 佢嘅身份令網民開始留意佢。某討論區嘅網民喺進行Erin「起底」行動期間, 有意無意咁發現咗好多佢參選前嘅舊相，見到她面形同雙眼都同依家不太似樣。有網民睇過佢嘅舊照後，都表示驚訝:「嘩!判若兩人喎!」、「衣著好老土囉...」。但亦有網民表示:「愈大愈靚，真係女大18變!」、「每個人總有過去，依家靚女就得啦!」。 到底係女大十八變，定係真係「再進化」呢？

{{hket:inline-image name="E1279_114_1.jpg"}}{{/hket:inline-image}}

(網上圖片)

{{hket:inline-image name="12-1024x683.jpg"}}{{/hket:inline-image}}

(2014年度香港小姐競選@TVB.com)

懶理緋聞發奮拍劇 終可進軍電影圈

王卓淇(Erin)入行後鮮有緋聞，最令人印象深刻的就是她曾被傳佢同吳業坤(坤哥)喺15年透過《安樂蝸》節目而撻著, 16年就因為龔嘉欣介入而分手。不過事後兩人喺16年都異口同聲咁否認咗呢個緋聞, 仲話大家只係普通朋友兼同事嘅關係。當澄清完呢段緋聞後，Erin就開始專心投入工作，而且仲得到愈來愈多嘅工作機會。Erin除咗有好多喺電視熒幕亮相嘅機會外，佢仲已經進軍電影圈參與拍攝葉念琛嘅電影。至於佢係參與邊部電影，就暫時未有透露。

{{hket:inline-image name="58410218_2071650576461805_275025652697717733_n.jpg"}}{{/hket:inline-image}}

(王卓淇近照＠王卓淇ig:erin__kay)

{{hket:inline-image name="65399556_2272393989743035_849180775838609284_n.jpg"}}{{/hket:inline-image}}

(王卓淇近照＠王卓淇ig:erin__kay)

{{hket:inline-image name="46979377_2225704577696321_5273178777477603637_n.jpg"}}{{/hket:inline-image}}

(王卓淇個人照＠王卓淇ig:erin__kay)

{{hket:inline-image name="62466059_683461692106815_3222777275786787846_n.jpg"}}{{/hket:inline-image}}

(王卓淇進軍電影圈@王卓淇ig:erin__kay)