懷緬過去常陶醉……舊時嘅香港好似連女仔都係特別靚。1994年香港小姐可以講得上話係神級，當選同埋落選嘅都有好多個入咗娛樂圈，問答環節仲同主持舌劍唇槍，個個都伶牙俐齒，可以話係堅美貌與智慧並重呀！
日前有網民Post咗一段當年一個介紹環節，要咁多位佳麗推舉一個人做島主再講出佢哋嘅個人優點。
▲李綺虹（電視片段截圖）
▲李綺虹用佢唔鹹唔淡嘅廣東話讚陳芷菁有王者風範，可愛到爆。 （電視片段截圖）
▲張可頤一出場淡定優雅，唔怪得可以之後喺電視圈步步高陞啦。（電視片段截圖）
▲黃𨥈瑩係當中年紀最細嘅一個，當年嘅佢只有18歲，去到臨尾嘅時候唔小心「食螺絲」，不過樣靚身材好，之後喺娛圈都一帆風順呀！（電視片段截圖）
▲譚小環（電視片段截圖）
▲陳芷菁（電視片段截圖）
譚小環同陳芷菁就互笠高帽，最後二人不分軒輊，都一樣有好多佳麗推舉。現實中佢哋兩個呢廿幾年除咗喺演藝圈撈得唔錯之外，近年都各自喺自己嘅範疇闖出一片天，係真真正正嘅女強人！估唔到其他佳麗都咁慧眼識英雄！
譚小環正式加入無綫即備受力捧，做多個大型節目司儀、表演嘉賓及綜藝節目主持人，亦開始參與多部電視劇集及電影演出。
▲（東星娛樂）
佢仲開始向歌唱事業發展，1997年她推出了首張個人EP《自主》，更請得羅文擔任她的歌唱老師，可惜其唱功當時一直受外界批評；之後因為與排舞師男友黃國榮（Sunny）一起而離開無綫，並且全面淡出娛樂圈，但兩人於2002年分手，譚小環亦決定復出。
▲（tvb.com圖片）
2002年復出後，再次重返無綫電視。2009年小環作品逐漸減少，除了利用些少時間在資訊節目《都市閒情》中擔任節目主持，其他時間都是空閒時刻。2011年小環同老公商量後決定解約，希望專心調理好身體「造人」，結束與無綫17年之賓主關係。
▲小環07年與老公圓婚。（東星娛樂）
轉戰至飲食界
2014年她再於銅鑼灣渣甸坊開設小食店，佢透露小食店將會開分店同進軍大陸。2017年9月，譚小環與老公蔡強榮投資的小食店於鰂魚涌開分店，當時小環透露新店投資7位數字，仲話目標係全港18區都有分店。
▲老闆都要落手做，力不到不為財。（渣哥 一九九六Facebook）
直到上年，已經有6間舖遍布港九新界。發財之餘，小環都不忘回饋社會，呢幾日佢所開嘅食店就免費派食物畀財困食唔飽嘅青年人，被網民大讚係真貼地香港小姐！
▲林保怡都去撐場！（渣哥 一九九六Facebook）
陳芷菁落選後加入無綫電視，憑《天地男兒》、《壹號皇庭》等劇集打響名堂。陳芷菁其後曾轉投亞洲電視擔任娛樂新聞主播。曾參加《百萬富翁》遊戲節目自信答問題一句「我讀Drama」登上《七大尷尬到唔敢睇》排行榜。
▲（電視片段截圖）
2005年回巢無綫電視、主要擔任主持工作，曾為無綫生活台《生活放送》及翡翠台《今日VIP》主持。而萬千星輝賀台慶等大型節目均曾擔任主持，知性形象深入民心。陳芷菁在2003年與大律師張錦榮結婚後，育有女兒張珈瑋。另外，佢曾喺多份報章雜誌撰寫個人專欄。2007年，於香港大學專業進修學院修讀法律課程。佢仲考取多項證書，如皮紋分析、記憶學培訓、美容，及做電影等。2014年，陳芷菁創立甲一創意教育。2017年離開無綫電視，並開設「陳芷菁工作室」，從事企業培訓及幕後製作的工作，2018年8月中回巢，現偶爾任《今日VIP》主持。
▲（東星娛樂）