林祖輝復出拍香港版《黑鏡》 低調做生意發大童裝王國

全新劇集《理想國》係ViuTV首個1小時劇集，即將由8月5日播放。劇集帶領觀眾探討人性與科技之間嘅關係，未知可唔可以好似同類型外國劇集《Black Mirror》咁掀起追劇熱潮。

{{hket:inline-image name="9.JPG"}}{{/hket:inline-image}}

（ViuTV劇照）

首集《苟延殘喘》係講述飾演母親嘅吳綺莉對囝囝管教甚嚴，母子一次因功課問題爭執，最後囝囝墮樓身亡。吳綺莉同飾演爸爸嘅林祖輝心如刀割。一次因緣巧合，兩夫妻喺喪親輔導小組知道有一個全新嘅機械人產品，可以模擬死去嘅摯親，幫助家屬走出傷痛。林祖輝雖然反對吳綺莉以機械人代囝囝，但見吳綺莉抑鬱症愈發嚴重，決定租用產品。產品無論外表和性格都與真人無異，吳綺莉沉醉喺同囝囝嘅回憶當中，然而續租後，漸漸一連串異常問題浮現……

{{hket:inline-image name="8.JPG"}}{{/hket:inline-image}}

（ViuTV劇照）

故事吸引演員

吳綺莉、林祖輝、盧覓雪進行拍攝時，三人雖從未合作過，卻默契十足。吳綺莉慶幸劇組替她覓到林祖輝作劇中丈夫：「因為我都成5呎7高，要搵個差唔多高嘅老公唔易。好彩今次對手係祖輝，成6呎1高，終於唔洗再寒背拍戲，真係舒服好多。」而林祖輝就大讚劇本：「監製陳翹英好擅長拍攝黑暗風格故事。初收到劇本已經吸引我追晒全部故事，亦睇到眼濕濕。」盧覓雪則表示雖無子女，但拍攝時亦會聯想自己如果過身，家中愛貓唔知點算就立即進入情緒。

{{hket:inline-image name="1.JPG"}}{{/hket:inline-image}}

（ViuTV劇照）

為朋友兩肋插刀

三位主角最矚目嘅莫過於久未出現喺幕前嘅林祖輝。林祖輝演藝路上冇大紅大紫，但絕對可以話係一個有內涵嘅低調實力派。林祖輝就讀傳統名校九龍華仁書院，畢業於香港大學文學院，主修經濟及哲學，難怪與同樣是哲學畢業生的黃子華如此投契。子華上年嘅棟篤笑《金盆𠺘口》的其中一場公開多謝林祖輝，喺佢未發跡前多次仗義相助，二人仲喺後台相擁爆喊，兩個大男人表現如此，令人鼻酸。

{{hket:inline-image name="20180710131621.jpg"}}{{/hket:inline-image}}

（網上圖片）

老婆激讚

老婆姚嘉妮19歲參加亞洲小姐後獲得當屆季軍，因而認識當時同為亞視藝人的林祖輝。姚嘉妮大讚老公感覺穩重，唔會花花弗弗，當時嘅林祖輝，三十出頭，喺佢心目中，已經係一個成熟嘅男士。佢仲曾經大讚老公人品好，忠直、「擔屎唔偷食」，唔會呃人。佢話林祖輝唔會有好多朋友，但都係一啲關係好長久嘅朋友。

{{hket:inline-image name="bcQbzkxXGP281_0WozeKig5EO_dDtHkUCPh3jAj4d4w.jpg"}}{{/hket:inline-image}}

（姚嘉妮微博）

有計劃有遠見靠實力

林祖輝六年前代理國際知名運動品牌童裝，目前擁有6間舖。佢曾經係內地大公司高層，為咗一對仔女有更好嘅成長環境，決定回港發展。問到佢嘅知名度會否對業務帶來幫助，佢就話品牌嘅出名程度比佢自己高好多倍。童裝生意愈做愈大，林祖輝每年需要購入幾百萬的貨品，開業初期太太姚嘉妮亦有幫忙提供意見，兩公婆拍住上。

{{hket:inline-image name="787873.JPG"}}{{/hket:inline-image}}

（ViuTV劇照）