《愛回家》女演員潛在星座性格 盤點3類港男最怕遇上嘅女人

無綫劇《愛回家之開心速遞》中，導演將每位角色都設計得獨立鮮明，而當中亦有唔少女角色嘅性格，大家喺現實生活中都會有機會遇到。到底劇中有邊幾類女人，係港男喺愛情上最怕遇到嘅呢？

群姐 — 八卦又口疏

群姐(許思敏 飾)嘅潛在性格同雙子座都有幾分吻合，該星座嘅人生使命係收集及散播信息，結構上並唔支援「守秘密」呢個功能，假如你講一啲事情畀雙子座嘅人知，並吩咐佢哋唔好講出去，對佢哋嚟講係一件非常痛苦嘅事，所以佢哋會寧願唔知好過知！

雙子座女生能言善道，又喜歡交際，談戀愛嘅機會好多，因為雙子座嘅人好識討好異性，所以身邊不缺情人。機智嘅雙子座好識利用語言技巧令其他人對佢產生好感，所以雙子座女生嘅戀愛史亦會好多彩多姿。佢哋唔會畀自己陷入窘境，好享受冒險性嘅戀愛，即使自己已經有男朋友，都好大機會會對其他異性產生好感，甚至有可能會一腳踏幾船，增加愛情嘅刺激感。

{{hket:inline-image name="20190220141133_0_203303-7902e1a9007c218113cd3524998005ac.png"}}{{/hket:inline-image}}

(影片截圖@TVB)

{{hket:inline-image name="fggggsd.jpg"}}{{/hket:inline-image}}

(影片截圖@TVB)

池美麗 — 佔有慾強又黐身

池美麗(鍾凱琪 飾)嘅潛在性格同天蠍座好似，天蠍座嘅人生命力非常強勁，對於環境嘅適應能力都好高，只要係佢哋想做嘅事，通常好少會唔成功。天蠍座嘅人喺適當嘅時候，膽子同勇氣會突然變得好強，雖然外表睇起嚟好似好冷淡，但其實佢哋嘅內心係熱情如火。

天蠍座對一個人嘅感情有幾深，佢哋嘅佔有欲就有幾大。佢哋好喜歡將一段愛情演繹到好似電視劇入面嘅煽情橋段一樣，要黐實對方，完全佔有對方。

{{hket:inline-image name="20190418155055_2_2019-apr-18-109.jpg"}}{{/hket:inline-image}}

(影片截圖@TVB)

{{hket:inline-image name="Scree.jpg"}}{{/hket:inline-image}}

(影片截圖@TVB)

龍力蓮(大小姐) — 潑辣控制狂

龍力蓮(林淑敏 飾)嘅潛在性格同處女座非常相似，此星座有豐富嘅知性，做事一絲不苟，有旺盛嘅批判精神 ( 因為佢哋總希望世事能夠同佢哋嘅主觀標準相同 )。佢哋係完美主義者，極度厭惡虛偽與不正當嘅事。佢哋對自己嘅要求好嚴格，從不妥協、讓步，係個優秀嘅幕僚人才及工作狂。

處女座女生喺愛情方面，佢哋會希望自己嘅愛情係完美無瑕，而且佢哋嘅審美要求都好高，佢哋會希望你係真誠、實在嘅人，完全不欺騙佢嘅人，仲要敢於將自己弄得像張白紙一樣，先會獲得佢哋嘅真心。佢哋性格好倔強，即使內心清楚知道自己係錯，嘴上卻從不肯服輸。

你要知道處女座嘅女生都係完美主義者，所以，佢對你所作出嘅任何要求或需要，都係出自她嘅標準。如果你願意順從佢、唔反駁佢，基本上你就能夠駕馭到佢。

{{hket:inline-image name="FSADSADA.jpg"}}{{/hket:inline-image}}

(影片截圖@TVB)

{{hket:inline-image name="dsfsfsdfds.png"}}{{/hket:inline-image}}

(影片截圖@TVB)