【集氣成功！】關智斌9月單飛紅館開騷 飛起賤男兄弟張致恒

關智斌（Kenny）同張致恒（Steven）組成BOYZ後，風雨同路16年，兩人之前仲去到布吉為9月14日舉行的首個紅館演唱會拍宣傳片，豈料受Steven「一腳踏五船」醜聞拖垮，演唱會無奈被擱置。

{{hket:inline-image name="Wh.jpeg"}}{{/hket:inline-image}}

（Kenny Instagram）

Kenny早前忍痛拍片宣布紅館Show擱置，仲忍唔住流下男兒淚，心痛死一眾粉絲！好多粉絲都留言話如果得Kenny一個都會照買飛入場睇，一於撐到佢行呀！

{{hket:inline-image name="70b0ca53-02a3-49c0-9760-6911399a86f9.jpg"}}{{/hket:inline-image}}

心痛死人咩！（短片截圖）

正當大家都估緊9月紅館檔期會由邊個頂上嘅時候，剛剛英皇宣布好消息，為Kenny圓夢，9月同一個檔期會為Kenny開紅館騷：「各位媒體朋友，第一時間同大家分享這個好消息！公司已得到紅館確認申請，Kenny關智斌將於9月踏上紅館，實現他多年的夢想。英皇手足容祖兒，古巨基，張敬軒，TWINS全力支持。因剛剛才得到確認，一切全速進行中，詳情於日內盡快公布。再次多謝各位對關智斌的愛心與支持！」8月真係一個奇蹟嘅月份呀，大家真係為Kenny集氣成功！恭喜晒！

{{hket:inline-image name="f048d4fe-6ac8-469a-b089-61d7b9bd7f3a.jpg"}}{{/hket:inline-image}}

Kenny：「唔好拖我後腳喇，Bye~」（設計對白）（Kenny Instagram）

Kenny仲特登錄咗一段謝言畀一直支持佢嘅朋友：「真係好開心，真係好多謝大家支持，特別係各位傳媒朋友，同埋我一班公司嘅兄弟姊妹，特別係所有嘅網民呀，佢哋喺呢個禮拜不斷同我集氣，跟住都多謝好多send message畀我嘅藝人朋友，同埋所有嘅Fans，因為係你哋不停支持先可以促成我開呢個紅館演唱會。之前都冇諗過成件事會夢想成真，依家成咗事係特別感恩，我依家覺得最重要嘅係呢段時間將所有注意力都放喺呢個演唱會上面，先唔會辜負大家對我嘅支持，一定會百分之二百呈現Good Show畀大家睇，話畀大家知我係值得上呢個舞台，多謝大家！」