Sammi 唱《紅綠燈》爆喊 鄭融既驚且喜

鄭融早前獲鄭秀文（Sammi）邀請做演唱會嘉賓，Sammi更揀了鄭融的首本名曲《紅綠燈》獻唱，期間一度感觸得喊起來，不過鄭融見到Sammi喊，反而很開心。

鄭融昨日去天水圍出席商場活動，她表示小時候放暑假，父母會為她安排多個課外活動，當中有夏令營、探訪長者等，但最辛苦是每朝七時起床去練習游泳，但又覺得放暑假其實好幸福，她說︰「爸爸對我嘅學業要求很嚴謹，會準備好多暑期作業畀我，所以過得很充實。」

談到早前她為Sammi的演唱會擔任嘉賓，更合唱《紅綠燈》。鄭融直言當時在台上看到Sammi的表現，既驚喜又愕然。她說︰「我覺得佢有一種釋懷，都戥佢開心，有人問點解我唔大叫︰『Sammi唔好喊呀！』其實我唔想騷擾同影響佢嘅情緒，我真係好開心佢將唔開心嘅過去都釋懷。」問她可有計劃在紅館開騷？鄭融表示努力中，一切順其自然。

撰文︰Pauline

攝影︰林良明

編輯：黃寶恩

美術：招潤洪