羅仲謙相隔3年回巢做男一    獲楊怡批准與「三張」美女合作

羅仲謙同楊怡喺2016年結婚之後，為咗想令太太楊怡有更好嘅生活，於是早幾年主力去咗內地拍戲搵真銀，直至今年八月，佢終於重返無綫拍劇。羅仲謙對上一部無綫劇集是2016年的《潮流教主》，之後一直在內地發展，而今次返無綫拍劇，除咗可以再度同視如兄弟嘅「綠葉王」韋家雄合作之外，佢仲有機會同『三張』美女合作。對於羅仲謙重返TVB拍劇嘅決定，佢太太楊怡都表示贊成：「我同太太都會商量，咁樣都幾好啊，返嚟又可以有作品，又可以多啲時間陪下佢。」

{{hket:inline-image name="1b5aa1cc-fa3b-4d04-b5b9-de8e29004eae.jpg"}}{{/hket:inline-image}}

羅仲謙繼《潮流教主》之後再接拍無綫劇集。（圖片：羅仲謙IG)

{{hket:inline-image name="4ce5f29a-fe0b-47a9-80bc-87b8461c35a0.jpg"}}{{/hket:inline-image}}

羅仲謙同楊怡結婚後，不時在網上放閃晒恩愛。（圖片：羅仲謙IG)

羅仲謙心繫香港 決定回港拍劇兼「造人」

羅仲謙對上一套喺無綫拍嘅劇集，係16年嘅《潮流教主》。據羅仲謙指，佢之所以離開TVB係因為想去內地搵多啲錢，令太太楊怡可以有更好嘅生活。不過，佢始終心繫香港，佢覺得點都要喺香港有自己嘅作品：「香港係個根，你唔能夠話斷晒所有嘢 ( 工作 )，你一定要喺香港有作品，喺大陸如果人哋想用你謙謙，都係因為可能你喺香港有作品，所以一定要保持住。」同時，佢又表示為咗想實行「造人」大計，所以要留港計畫下。

{{hket:inline-image name="2ac84ded-6154-4d44-9267-2ea78bb6ef2a.jpg"}}{{/hket:inline-image}}

楊怡趁羅仲謙返港接劇期間，會唔會努力造人呢？（圖片：羅仲謙IG)

回巢即做男一 仲有「三張」美女相伴

羅仲謙今次將會開拍新劇《木棘証人》（暫名），而佢亦會喺呢套劇到做男一。羅仲謙表示好開心可以再同好兄弟韋家雄合作，佢仲話喺劇中會同韋家雄有「HeHe親熱戲」。除此之外，呢套劇亦包含咗推敲、懸疑及喜劇嘅成分。羅仲謙今次除咗同韋家雄有對手戲之外，亦周旋喺「三張」美女（張曦雯、張秀文及張文慈）之間，佢表示將會同張曦雯同張秀文有感情線嘅戲份，而張文慈將會飾演佢家姐。

羅仲謙今次為咗呢套劇仲做足準備，日前佢為咗以最佳狀態重現視圈，佢秘密入院，一口氣剝咗4隻智慧齒，仲話會爭取時間曬黑啲先開工，因為佢覺得自己皮膚白咗。另外，佢仲話會為拍劇而修身。

{{hket:inline-image name="3e6a2ae4-3864-4491-b6ab-e37f7e7ba13f.jpg"}}{{/hket:inline-image}}

張曦雯在劇中將會跟羅仲謙有感情線。(圖片：張曦雯IG )

{{hket:inline-image name="4d59513a-890d-43d0-80e9-5137df8c3cdf.jpg"}}{{/hket:inline-image}}

張文慈將會演羅仲謙的姐姐。（圖片：張文慈IG)

{{hket:inline-image name="bb6b6fe1-7364-4f7a-8db6-73a99bfc97b5.jpg"}}{{/hket:inline-image}}

張秀文做綜藝節目就見得多，唔知今次劇集會否有新的發揮呢？（圖片：張秀文IG)