鍾鎮濤與前妻章小蕙所生兒子鍾嘉浚今年29歲,03年已赴美國讀書,目前亦在當地生活,但不時都會返港。今年2月鍾鎮濤66歲生日,佢都有回港同爸爸慶祝,日前鍾嘉浚忽然喺社交網連出兩個post,透露自己生活過得唔如意。
鍾鎮濤Facebook
鍾嘉浚與母親章小蕙(東星娛樂)
鍾嘉浚先用英文寫:「老實講,我依家搵唔到我生存嘅原因,依家生活中冇一件事係我喜歡做,我只係好似喪屍一樣生存。當然我喺度曾經都有過美好嘅時光,但都只係一瞬即逝,我一年又一年不斷經歷痛苦。只有好事發生至會令我清醒。」
好負能量!(鍾嘉浚Facebook)
然後隔咗唔夠半個鐘,佢又再發文:「2019年是我人生中最差的其中一年,有一班人破壞咗我嘅生活,我要賣我嘅第一隻Rolex手表去解決問題......但其實都唔能夠完全解決問題......金錢根本買唔到隻表帶畀我嘅回憶......」有唔少朋友見佢咁負面,都紛紛留言鼓勵他。
(鍾嘉浚Facebook)
不過喺鍾嘉浚社交網所見佢都唔只得一隻名表嘅。
(鍾嘉浚Facebook)
(鍾嘉浚Facebook)
(鍾嘉浚Facebook)
當年鍾鎮濤老婆范姜與前妻章小蕙妹妹章小婉曾發生衝突,最後鬧上警署!嘉浚當時亦有幫後母范姜鬧爆生事者。
當年21歲嘅鍾嘉浚網上留言爆粗,他表示寧願住在有衰警察嘅地方,都不願住喺有衰人嘅地方,他寫道:「You can hate me all you want but I kill you if you don't leave my family a-fxxxxxx-lone.(你可以憎我,但如果你唔肯放過我家人,我會殺死你!)」又警告對方停止再妒忌其屋企人,應先顧掂自己,佢嘅朋友留言勸他冷靜,不過佢後來更指名道姓警告阿姨(即章小婉),表明若阿姨再搞他的家人,他就會跟阿姨及其身邊的人斷絕關係,並令她的生活苦不堪言!
(鍾鎮濤Facebook)
未知今次嘉浚放負係咪同屋企有關,爸爸鍾鎮濤對此只係回應:「多謝關心,佢(大仔)已經29歲,仔大仔世界。」
(東星娛樂)