韓國43歲女星咸素媛舊年2月同細佢18年嘅大陸網紅陳華於中韓兩地註冊結婚，同年12月18日誕下7.3磅中韓混血B女。咸素媛生B後即刻復出以夫妻檔拍綜藝節目《妻子的味道》，夫妻矛盾喺節目「現晒形」，再加上婆媳問題，令咸素媛惹來唔少觀眾負評。
咸素媛鬧到老公隻狗咁，唔少觀眾都話好反感。（《妻子的味道》截圖）
陳華母親去韓國幫忙照顧孫女，但奶奶畀孫女着開檔褲、又將雞肉咀嚼後再給孫女吃，並用自己用過嘅湯匙餵食孫女，令咸素媛勁不滿，更嗌奶奶唔好將沾有口水的湯匙給孫女餵食，不少觀眾指摘咸素媛對待奶奶的態度有問題，咸素媛事後喺社交網發文道歉。
令婆媳關係和諧真係一個世紀難題！（《妻子的味道》截圖）
日前播出新一集，咸素媛與陳華為錢起爭執，陳華想借6.4萬港元畀佢最好嘅朋友，叫咸素媛幫忙但畀佢拒絕，陳華指妻子「唔畀面佢」，一怒下離家出走，三天後先返屋企。咸素媛重提當日陳華一言不發離家，陳華謂：「人在很累的時候真的不想說話，你不想借（錢）就算，我當時很累，也忍下來，你還一直說，沒辦法，容忍是有限度，我對你，真的是盡力，說實話，我真的不想回來，但沒辦法，我現在又回來！」
（《妻子的味道》截圖）
咸素媛又話其他事可以幫忙，唯獨錢唔可以，又擔心對方唔還錢會影響朋友關係，陳華指對方係佢最好嘅朋友，如果幫到一定幫。佢仲忍唔住爆Seed話咸素媛：「你說話真的讓人一點自尊也沒有，你知不知道，你這樣說我多沒面子，你懂不懂？」咸素媛點頭表示明白，但陳華繼續鬧：「你知道個屁呀？都幾次啦，這樣，你一點也不知道！」之後咸素媛聽從奶奶意見，由每月畀3,200港元零用錢陳華增至6,400港元，陳華就即刻笑番晒。
（《妻子的味道》截圖）
節目再次引起網民熱烈討論，有網民話佢兩個嘅用錢觀念完全唔同，一個使慣歎慣；一個就慳慣，仲話陳華冇咗佢老婆就甚麼都不是，唔應該呼喝佢，非常之唔睇好佢哋，勉強冇幸福咁話。都有網民撐陳華，話佢唔介意咸素媛年紀大，咸素媛就應該包容佢大使習慣，Mean到爆！
（咸素媛微博）