近日38歲索媽陳茵媺喺Instagram 上載咗自己16歲嗰陣嘅舊相，當時佢留長髮、笑容好甜美、個樣勁清純。咁啱佢琴日自拍趕飛機過程嗰陣冇化妝，同學生相一對比差唔多，唔怪得吸引到筍盤陳豪，生出嚟3個小朋友都咁靚仔靚女啦，連宋熙年都忍唔住留言話：「U look the same！」。不過陳茵媺貴為2006年香港小姐冠軍同國際親善小姐，梗係由細靚到大啦，咁其他TVB花旦細細個嘅樣又係咪同依家一樣係美人胚子，定係女大十八變，有好大分別呢？
樊亦敏
樊亦敏讀過名校嘉諾撒聖瑪利學校同嘉諾撒聖瑪利書院，18歲被發掘出道，同鄭伊健合作拍過1989年的陽光檸檬茶廣告，係第一代陽光妹！好有仙氣！
張寶兒
張寶兒呢幅素顏相被網民笑咗幾年，因為塊臉膚色蠟黃、大黑眼圈，冇生氣，不過化咗妝就即刻亮眼晒。
莊思敏
莊思敏喺馬來西亞出世，但細細個就移居香港，喺香港真光中學讀書。曾經公開承認自己整容同隆胸嘅佢，學生時期原來幾清純。
麥明詩
最經典一定係麥明詩放榜嘅樣，呢排佢就吐槽母校喺冇通知佢嘅情況下叫佢拎10A成績單，結果冇化妝嘅時候係咁被記者影相，張相一直被人笑到依家。不過其實，佢呢張ocamp相都好經典。
劉穎鏇
穎鏇依家只係得21歲卜卜脆，素顏當然冇問題，加上佢熱愛行山、踩單車、游水等戶外活動，曬得一身古銅色肌膚，好有健康味道。
黃山怡（糖妹）
糖妹中學嗰陣同依家完全冇分別，一樣係咁童顏，不過嗰陣就比依家黑啲啲。
吳若希
吳若希讀廖寶珊紀念書院，佢以前塊臉包啲，個鼻冇咁突出，對眼都細啲。
江嘉敏
江嘉敏參加過校花校草選舉，但原來嗰陣佢眼袋都幾大，眼窩位仲好浮腫，應該係溫書太勤力唔夠瞓喇，總括嚟講同依家都冇乜分別。
阮小儀
小儀以前都係留平蔭，基本上同依家係冇分別。
李佳芯
最靚女嘅學生一定有李佳芯份，讀伊斯蘭脫維善紀念中學嘅佢由細個開始已經瓜子險、眼大大，靚女到暈。
蔣家旻
蔣家旻學生嗰陣好靚女！相比起依家個嘴反而細啲，同埋感覺係好乖、好得老師鍾意嘅模範生。
劉佩玥
劉佩玥讀沙田名校，雖然臉上有幾粒青春痘，但下巴兜兜，喺冇化妝嘅情況下大致都係靚女一名。
黃翠如
黃翠如接受過香港電台《鏗鏘集》訪問，嗰陣佢塊臉仲有baby fat，相反依家瘦到冇晒肉。
馮盈盈
馮盈盈中學時好靚女，難怪被人話係寶血會上智英文書院嘅校花。不過奇就奇在大個之後馮盈盈嘅眉毛愈來愈少，所以另一張素顏相分別咁大。
陳自瑤
好誇張！陳自瑤10幾歲竟然同依家一啲分別都冇，甚至令人懷疑佢係咪穿越時空影番張學生相。
葉蘊儀
葉蘊儀細個勁可愛，年僅13歲就被星探發掘，1990年仲成為韓國最受歡迎外國女明星第1名，學生相自然靚爆鏡。
黃智雯
黃智雯細細個紮辮仔勁得意啊，一睇就知係做女明星嘅可造之材。
蘇韻姿
蘇韻姿喺加拿大多倫多長大，一直都喺當地讀書，相比起依家佢嗰陣瘦好多，而且幾標緻。
陳偉琪
雖然呢張相唔係著住校服影，不過已經在學中嘅陳偉琪好可愛、甜美，招牌酒窩勁突出，不得不分享畀大家睇睇。
林凱恩
大學時期嘅林凱恩個樣其實冇咩分別，只係依家化咗妝對眼就撐大咗。
周梓盈
周梓盈果然係由細靚到大，唔化妝都好掂，唔怪得歐陽震華都大讚佢好靚女啦。
楊秀惠
楊秀惠19歲個樣好青春，不過多咗啲baby fat，依家下巴尖晒，好靚女。
高海寧
學生時期嘅高海寧略肥，塊臉同鼻比較闊，五官就冇咩大分別。
徐子珊
呢張相係一個網友畀小編，果然係香港小姐冠軍，細細個下巴就咁尖，粉碎整容傳聞。
(各大藝人instagram,網上圖片,TVB電視截圖)