《#後生仔傾吓偈》麥明詩節目提感情事失控爆喊 林作「記者衫論」連累舊愛被狂Tag

藝人麥明詩一向敢作敢言，為人真性情，近日她在主持的節目《#後生仔傾吓偈》提到舊愛，忍不住情緒失控爆喊，讓陸浩明和馮盈盈都不知所措，非常擔心…

{{hket:inline-image name="65588358_361658127850206_1162139895469384617_n.jpg"}}{{/hket:inline-image}}

（IG圖片）

近期一集《#後生仔傾吓偈》的主題圍繞「禁忌話題」，其中一位KOL阿峰認為男女拍拖時，男仔應主動談將來，許下生活承諾如「我哋將來點樣搞婚禮好呀？」。麥明詩聽完面色一變，說：「我最憎呢啲男人！不斷畀假希望人！」KOL阿峰試著解釋「都係想畀個目標大家…」但麥明詩反駁：「目標自己知咪得囉，使咩氹人，根本唔應該講呢啲嘢。」在旁的陸浩明插嘴說：「你『辣』中佢啲位啦。」大家討論一番後，阿峰總結：「你（麥明詩）真係受過好大傷害。」麥明詩似被刺中死穴，神色一變，即邊笑邊流眼淚。陸浩明問：「係咪前度成日咁講呀？」此時，麥明詩突然失控爆喊，要不停用紙巾抹淚。她說：「我遇過啦，好多人都同我講呢啲。」陸浩明惟有安慰她，打圓場說：「唔好喊啦，其實你好好㗎！」

{{hket:inline-image name="hhhv.jpg"}}{{/hket:inline-image}}

（麥明詩邊笑邊流眼淚，圖片來源：TVB）

{{hket:inline-image name="jjjv.jpg"}}{{/hket:inline-image}}

（圖片來源：TVB）

提到麥明詩的前度，最引人注目的必定是她跟大律師林作的一段情，就算分開了，還是會被人混為一談。近日社會動盪，而林作在社交網絡發表了「記者衫論」，稱穿記者衫在示威區出入頗「過癮」。他說：「好想著記者衫，喺示威區自出自入，頗為過癮。反正啲記者人數多到一個地步，阻礙警察或示威者都吹佢唔漲（脹）。而且我可以以前大律師嘅身份話俾（畀）大家知：冒警察同冒律師係刑事罪行。冒記者，隨便。有人話，警察已講：記你老X。但係，可以咁近距離接觸警察而且影咩都得，抵啊。」他之後再出post說：「有人話，如果話有假記者，就係唔尊重記者。好邏輯！呢兩位我好尊重！請同我一齊，向假記者 say no!」

{{hket:inline-image name="67822582_2129701500473197_4141323164632219648_n.jpg"}}{{/hket:inline-image}}

（FB圖片）

{{hket:inline-image name="fcccc.jpg"}}{{/hket:inline-image}}

（FB圖片）

林作的言論惹來網民指責他「抽水」，也讓舊愛麥明詩遭殃，網友狂tag麥明詩，希望她回應。麥明詩非常無奈，在社交網留言，「唔好tag我喇。。請大家關注記者嘅狀況，而唔係一個joke about記者嘅人。」似間接回應了林作的言論。

{{hket:inline-image name="56918289_2280580195543633_4378645701028039910_n.jpg"}}{{/hket:inline-image}}

（IG圖片）