【聲明】港生活網站並無進行電話推廣活動

賽馬會再生能源計劃 建環保生活零碳社會

發佈時間: 2019/08/14

電力同都市人嘅生活可謂息息相關,但喺香港,原來只有1至2%嘅電力來自可再生能源。黛安知道,香港賽馬會慈善信託基金捐助近2,400萬畀「低碳想創坊」,今年7月起推行「賽馬會太陽能關懷計劃」,為促進香港可再生能源發展出一分力。

黛安聽專家講過,本港適合安裝太陽能板的天台面積,估計有25.7平方公里;而低碳想創坊會同非牟利機構一齊安裝太陽能電板,接駁兩電嘅上網電價計劃,亦會推行太陽能設施導賞團、氣候變化主題講座以及STEM工作坊等社區教育活動,等大家認識多啲再生能源。

而喺早幾日「賽馬會太陽能關懷計劃」啟動禮,低碳想創坊聯合創辦人黎廣德工程師同顧問分享時講起,發展可再生能源要社區參與、開放公共資產同不半途而廢,希望政府嘅上網電價政策繼續落去,令香港喺2050年建立零碳經濟社會。為地球健康着想,黛安都好希望以後可以有多啲環保能源。

撰文: 黛安 消息特靈八卦公關
欄名: 八卦名利場