【聲明】港生活網站並無進行電話推廣活動

一定去張致恒婚禮 關智斌為個唱捱病打針

發佈時間: 2019/08/14

關智斌(Kenny)早前受Boyz隊友張致恒(Steven)拖累,險令他的紅館夢碎,英皇決定讓他單拖踩上紅館舞台,在九月中舉行《Kenny is Born關智斌演唱會》。近日Kenny積極為處男個唱綵排,問到可會邀請Steven睇騷?他表示︰「睇佢心情!」

關智斌昨日與顏卓靈、白只及陳友等,到荔枝角出席電影《任性的你》開鏡拜神儀式。連日來籌備演唱會的Kenny,明顯消瘦不少,他自爆吃得十分清淡,日前險些在家中暈倒,「我依家每日都會練跳舞、練戲、做運動,每日五、六樣嘢,但星期日臨出門口時有啲頭暈同頭痛,食咗藥以為好啲,點知瞓醒企唔穩,好彩同事陪我去醫院,醫生話我血糖低、血壓低,仲有發燒,打咗支退燒針即日就出院。」

欠飛債300張

師姐容祖兒之後傳短訊給Kenny,叮囑他要量力而為,不可當自己是超人,最重要上到舞台健康和精靈。Kenny續稱︰「呢兩個月好戲劇性咁開呢個演唱會,部戲喺呢個騷之前已經接咗,個角色又為我度身訂造,我都好鍾意,所以要好好分配時間。」問Kenny最近可有與Steven聯絡?他說︰「少搵,因自己都好忙。(請佢嚟睇騷?)睇佢心情,同埋睇佢到時喺唔喺香港啦。」至於Steven下月結婚,Kenny表示︰「佢話要低調處理,等佢自己講,我唔方便講太多。總之等佢安排,我呢啲做兄弟嘅,會睇時間去配合。」

Kenny的處男個唱昨日公開售票,火速被歌迷搶購一空,由於不設內部訂購,Kenny昨日一早與同事用手機搶飛,但全公司只買到十多張,他無奈表示︰「我啲屋企人同朋友加埋都要300張飛,依家惟有叫公司用方法畀啲飛我。」

另外,顏卓靈在新戲《任性的你》與Kenny有感情戲,問到同樣有份演出的男友白只可會呷醋?她強調︰「我哋係專業演員,要完完全全投入角色,唔會尷尬。」

撰文︰倪小珊

編輯︰陳禮恒

美術︰招潤洪

顏卓靈表示拍親熱戲不用向男友白只備案。