【聲明】港生活網站並無進行電話推廣活動

阿Sa爆祖兒追求者眾

發佈時間: 2019/08/15

容祖兒演唱會前晚踏入第九場,請來好姊妹Twins及好兄弟關智斌(Kenny)任特別嘉賓。阿Sa和阿嬌大爆超多人想追祖兒,Kenny更在台上宣布其九月紅館演唱會將加開一場。

祖兒介紹Twins為重量級女子組合,祖兒說︰「我哋一齊長大,我哋經歷嘅唔係你哋所能夠想像,我曾經喺佢哋演唱會上飲大咗!」

Twins獻唱《大紅大紫》令全場起哄,唱畢阿Sa說︰「雖然祖兒無乜緋聞,但唔好以為佢無人追,真係好多人追佢㗎,今日已經有幾個喺度。」阿嬌反問︰「你係咪想講日本嗰個?」祖兒馬上搶白︰「唔係,掩住你哋個嘴,佢哋(觀眾)無人想聽我緋聞。你試下再講,我攞對鞋塞住你個嘴。」祖兒聲稱事業心強,如果拍拖會影響開騷。阿Sa繼續不罷休,問觀眾是否很想祖兒搵到好歸宿,全場觀眾齊聲呼應,令祖兒哭笑不得。

Kenny為個唱熱身

接着Kenny出場,跟Twins、祖兒合唱《死性不改》,祖兒笑Kenny唱得相當興奮,阿Sa指他要為下月紅館騷預先綵排,阿嬌立刻高興透露首場已賣晒飛,並決定加開一場,而Kenny就跪拜阿嬌︰「嬌姐,你畀個機會我自己講啦!」場面搞笑,Twins及祖兒繼而宣布在Kenny的演唱會上再見。

撰文︰Pauline

編輯︰黃卉彤

美術︰梁政敏

祖兒的粉絲都想她覓得好歸宿。