《愛回家之開心速遞》昨晚一集講到Icy（岑杏賢飾）好想同KC（歐瑞偉飾）提升拍拖關係，於是安排二人世界的旅行，希望可以似普通小情人一樣甜蜜戀愛。可惜首次的泰國之旅，外甥Terry（李偉健飾）竟然因為想食芒果糯米飯而跟住去，仲聲稱自己怕鬼要跟舅父同瞓一間房，搞到Icy要獨守空房。後來到韓國工作，KC原來答應Icy會飛過去陪她玩幾日，沒想到Terry竟然帶舅父的護照去拍戲，印到全本都滿晒，又再一次令行程「泡湯」。
兩次行程都掃興到極，Icy難免對Terry產生恨意，後來餐廳為舅父KC同Icy送上日本旅遊套餐，Terry斷言不會再搞破壞，就算習慣舅父接載他去拍戲外景，他都嘗試自己找路，最終因迷路，幾乎被偷沉香木的非法入境者傷害，急電準備上機去日本的舅父，令其行程再一次取消。
Icy一心諗住同KC去浪漫旅行。(圖片：《愛回家之開心速遞》電視截圖）
點知Terry跟埋KC一齊去，成為不速之客。(圖片：《愛回家之開心速遞》電視截圖）
韓國之旅，Terry又破壞咗KC個護照，搞到Icy勁無奈。(圖片：《愛回家之開心速遞》電視截圖）
上機喇，今次無事喇卦？(圖片：《愛回家之開心速遞》電視截圖）
點知Terry入醫院，第三次旅行又泡湯。(圖片：《愛回家之開心速遞》電視截圖）
幸好KC都非常識趣，明白其實龍家上下都好想「殺死」Terry，但Icy都只係鬧對方，已經是非常體貼，所以他決定將Terry交畀他姐姐龍力蓮（林淑敏飾）和送水輝（許家傑飾）照顧，最後可以同Icy飛日本好好享受真正嘅二人世界。
Icy終於爆發喇！狂鬧Terry太依賴舅父。(圖片：《愛回家之開心速遞》電視截圖）
一向被網民封為「無敵破壞王」的Terry今集連續三次破壞Icy同KC嘅浪漫旅行，實在是「破壞王」之終極，不少網友都大讚Icy算好忍得，不過有陰謀論的《愛回家》粉絲認為，Terry的一連串破壞行動，全因為他才是KC的真愛，所以設法想出計謀要拆散兩人。無錯，其實Terry同KC這對舅甥關係，早已被網友認為是劇中最受歡迎的「CP」之一，事關KC這個舅父對Terry相當包容，百般遷就，兩舅甥總是形影不離，而且兩人的「世紀之吻」至今仍然令觀眾印象非常深刻。戲裡戲外，兩人都合拍非常，2016年李偉健和歐瑞偉憑《愛回家之開心速遞》獲提名《萬千星輝頒獎典禮2016》的「最受歡迎劇集搭檔」，雖然沒有得獎，不過再一次奠定兩人角色的位置。
不過劇情之中，KC心入面只有Helen（姚瑩瑩飾），不過由於Helen已成過去式，KC決定同Icy發展。到底Terry幾時先唔再做「電燈膽」放過舅父？不如編劇們幫幫手，幫Terry搵返個人照顧佢啦！
KC同Terry是公認的熒幕情侶。（圖片：李偉健IG)
呢個深情一吻，成為《愛回家》的經典之一。(圖片：《愛回家之開心速遞》電視截圖）
KC離開Helen之後，決定同Icy發展。（圖片：岑杏賢IG)
三人行，係咪已經係鐵一般嘅事實？(圖片：李偉健IG)