【劉小慧直播】54歲黃寶欣離婚後獨力照顧仔女 送19歲女赴美讀書：好傷感

近來強勢復出幕前的女歌手黃寶欣前晚接受劉小慧的邀請一齊開直播聊天，原來兩人非常投契，不時會交流傾子女經。寶欣仍難忘當年帶大仔去同劉小慧食飯，大仔見到小慧的大女Yumi時，即時話：「靚女！」大仔仲要求同Yumi一齊坐，不過就被Yumi拒絕，這些小時候的搞笑事成為兩位媽媽的美好回憶。

{{hket:inline-image name="TUNGSTAR5240352.jpg"}}{{/hket:inline-image}}

黃寶欣趁子女長大，終於放心可以出來繼續自己的興趣，就是唱歌和搞生意。（圖片：東星娛樂）

現年54歲的黃寶欣參與第四屆新秀歌唱比賽入行，以《酒杯敲鋼琴》一曲成名，由於發展平平，1998年她決意離開娛樂圈轉投保險行業，同年結婚，後來育有一子一女，大仔今年21歲，細女19歲，可惜夫妻因聚少離多，婚姻出現問題，她決定跟丈夫離婚，不過兩人仍保持好好的關係。回復單身的她為興趣在九龍城開設餅店，大受圈中朋友歡迎，她慢慢在生意中找到生活的寄託和目標。

{{hket:inline-image name="68750697_857403414643749_8315389983108104192_n.jpg"}}{{/hket:inline-image}}

劉小慧邀請黃寶欣一齊開直播傾偈，大談湊仔經。(圖片：劉小慧Facebook截圖)

談到教育子女的問題，寶欣大讚小慧教女有方：「我覺得你教女好成功，因為你會同佢講道理，又同老公好好分工。不過我唔同，一直以來自己一個，我前夫年紀比我細，比較遲熟啲，我哋冇去傾點教小朋友，後來佢長期去大陸工作，兩夫妻鬧交都係為教養問題，我覺得我啱，你覺得我錯。」寶欣現時忙於生意之餘，仲要照顧一對仔女，長子去美國讀書，而細女都會在日內出發，寶欣表示：「十幾日後阿女就要去美國喇，我就陪佢搞簽證同考車牌。其實大仔已經去美國3至4年，一直都係自己同個女相依為命，兩個人一齊生活，佢走我係傷感呀，但點都要習慣，所以我需要朋友支持。」寶欣表示囝囝有拍拖，自己都幾滿意他的女朋友，她說：「我識佢女朋友，幾滿意，因為佢好錫我個仔，暫時嚟講都不錯，不過假設有唔滿意，我都唔會出聲，我唔想做衰奶奶。」

{{hket:inline-image name="68256157_744828572641075_6877456600517312512_n.jpg"}}{{/hket:inline-image}}

蘇志威到場，他表示跟黃寶欣是同屆新秀歌唱比賽的參賽者。（圖片：劉小慧Facebook截圖)

{{hket:inline-image name="TUNGSTAR5939169.jpg"}}{{/hket:inline-image}}

黃寶欣因同鄭敬基合唱而成為老友，經常孖住出活動。(圖片：東星娛樂)