唔係人人一出世就天生麗質，不過好多女人相信一白遮三醜，女藝人都係好依賴化妝，工作要靠濃妝放大表情，平時出門都要化，因為歲月催人老，為免被記者偷影到，佢哋都紛紛化妝遮蓋臉上皺紋同瑕疵。結果女藝人嘅一張臉總係化上完美妝容，保持最佳一面示人，令佢哋嘅素顏變得好神秘。
不過為咗拉近粉絲同自己嘅距離，現在唔少女藝人主動大曬素顏，以天生好膚質、濃眉大眼暗示自己真係美人胚子。以下有唔少TVB女藝人就將一層層嘅化妝品卸走，敢於公開裸肌，當中不乏《她她她的少女時代》嘅女主角、女配角同其他客串女演員。
梁芷珮
梁芷珮嚟緊會喺新劇亮相，由旅遊節目去到做其中一個劇集角色，唔知梁芷珮表現係點呢？為咗完美狀態出鏡，梁芷珮花咗好大努力keep fit!估唔到37歲生咗3個小朋友嘅佢唔化妝仲青春！
朱千雪
朱千雪最快2020年先會正式拍番劇，要見到佢只可以喺instagram或者街上咁啱撞到佢喇。對於自己個樣，千雪bb非常有信心，成日冇化妝公開素顔畀人睇，至於靚唔靚唔使我講啦！
賴慰玲
出身舞台劇女主角嘅賴慰玲生完bb好似冇生過咁，樣同身材都回復到初出道咁靚！
蔡思貝
最估唔到蔡思貝唔化妝原來幾靚，個人清秀、乾淨，仲順眼過拍劇嘅造型，唔通平時得罪咗造型師？
何佩珉
佩珉係出名嘅TVB特技人，打功夫有助強身健體，連皮膚都keep好好。
白雲
白雲身材好到爆，連素顏都正，好屈機啫。
田蕊妮
其實田蕊妮冇化妝堅靚，keep得好好，睇嚟全靠鍾意跑步！
麥皓兒
好耐冇見過皓兒嘅演出，唔化妝都好靚女呀。
高海寧
高海寧化唔化妝個樣都冇乜分別！
陳瀅
陳瀅之前直播落妝，對唔化妝個樣非常有自信。
林凱恩
林凱恩化同唔化真係冇乜分別，好勁。
康華
身為美魔女嘅佢雖然已經47歲，差唔多要步入人生50大關，不過佢對眼仲好有神，皮膚亦好白滑，果然係「御用情婦」。
姚嘉妮
姚嘉妮41歲，係1998年亞洲小姐季軍，素顏嚟講皮膚好好，只係眉毛少咗啲啲。
余思霆
雖然余思霆係2017年國際中華小姐冠軍，仲只係得25歲，不過唔化妝就似乎無神。
李亞男
唔怪得王祖藍點都要追到亞男，唔化妝成個學生妹咁。
李君妍
李君妍只係黑眼圈有啲大，相信係拍劇太攰，成日冇得瞓搞到咁。
李綺雯
李綺雯都係大眼妹一名，不過用咗美圖秀秀，唔夠真喎。
陳庭欣
Toby貴為2010年度香港小姐競選冠軍，面試嗰陣早就要用素顏見評判，當然有番一定水平。
黃心穎
好多人都話心穎落咗妝好似草蜢嘅蔡一智，就算咁佢自己都唔介意公開素顏俾大家笑吓。
鄧佩儀
鄧佩儀落咗妝個樣年紀竟然望落大過化妝後。
(各大藝人instagram、TVB電視截圖)