中、英及馬來西亞混血兒柏安妮(Ann Bridgewater)喺英國完成高中教育後返港,15歲就得到著名電影人黃百鳴賞識,1985年加入新藝城,曾奪香港花式溜冰冠軍,美貌驚為天人,星途順利。
柏安妮曾參演多部大電影,當中包括《開心樂園》、《為你鍾情》、《殺之戀》及《咖哩辣椒》等,1993年拍畢《記得香蕉成熟時》便淡出娛圈。雖然佢喺娛樂圈發展只有短短九年,但性感尤物嘅女神形象已經深深咁烙印咗喺觀眾心入面,係8、90年代唔少少男心目中的女神。
勁Girlfriendable!(電影截圖)
柏安妮(左下)在《為你鍾情》都不讓李麗珍專美!(電影海報)
同梁朝偉合演《風塵三俠》傳出緋聞。(電影截圖)
傳同佢合作拍《咖哩辣椒》嘅周星馳亦曾經力追!(電影截圖)
真係可以話係一笑傾城!(電影截圖)
柏安妮息影後重返校園,佢講過喺1992年拍電影《俠盜高飛》時,已經喺香港大學攻讀生物系,仲要常時喺片場做功課。Ann後來喺香港大學獲得學士學位,之後喺理工大學獲得職業治療學位。
《俠盜高飛》演發哥背後嘅女人,索到癲!(電影截圖)
(電影截圖)
柏安妮曾投身商界,加入無印良品擔任香港區品牌經理後,又重返校園進修,直至大約2000年開始成為兒童職業治療師,服務自閉症或過度活躍症嘅兒童。
從事專業兒科職業治療超過十五年後,Ann回到香港大學完成心理學研究生證書,隨後獲得臨床心理學碩士學位。柏安妮仲為兒童同青少年提供心理教育評估係Group Triple P(積極育兒計劃)和Group Stepping Stones Triple P(針對有特殊需要的兒童的積極育兒計劃)課程的認可推動者。
柏安妮同老公Calvin育有兩名女兒,呢位昔日女神,已經息影26年。(東星娛樂)
Ann曾經喺無綫財經資訊台節目《創科導航》擔任嘉賓,介紹本地及外國科技發展,講解腦電波反映人類專注力,佢指出現時不少家長擔心子女專注力,希望透過腦電波控制玩Game來訓練小朋友專注力,幫助小朋友改善專注力唔夠或患過度活躍症(ADHD)等問題。Ann依家已經56歲,節目中雖然見到佢容貌有啲歲月痕跡,但無減佢嘅魅力之餘仲多咗幾分成熟韻味同知性美!
事業家庭都兼顧得好好!(電視截圖)
新時代女性典範!(電視截圖)
天然美,好順眼!(電視截圖)