中、英及馬來西亞混血兒柏安妮（Ann Bridgewater）喺英國完成高中教育後返港，15歲就得到著名電影人黃百鳴賞識，1985年加入新藝城，曾奪香港花式溜冰冠軍，美貌驚為天人，星途順利。
{{hket:inline-image name="304b504d783959446a79.jpg"}}{{/hket:inline-image}}
柏安妮曾參演多部大電影，當中包括《開心樂園》、《為你鍾情》、《殺之戀》及《咖哩辣椒》等，1993年拍畢《記得香蕉成熟時》便淡出娛圈。雖然佢喺娛樂圈發展只有短短九年，但性感尤物嘅女神形象已經深深咁烙印咗喺觀眾心入面，係8、90年代唔少少男心目中的女神。
{{hket:inline-image name="6EAD24C86119w600h324.jpeg"}}{{/hket:inline-image}}
勁Girlfriendable！（電影截圖）
{{hket:inline-image name="7aed75c8-826d-4458-9882-c2b02f665146_ori_1h.jpg"}}{{/hket:inline-image}}
柏安妮（左下）在《為你鍾情》都不讓李麗珍專美！（電影海報）
{{hket:inline-image name="304b504d783955494d31.jpg"}}{{/hket:inline-image}}
同梁朝偉合演《風塵三俠》傳出緋聞。（電影截圖）
{{hket:inline-image name="54.jpg"}}{{/hket:inline-image}}
傳同佢合作拍《咖哩辣椒》嘅周星馳亦曾經力追！（電影截圖）
{{hket:inline-image name="304b504d783971745354.jpg"}}{{/hket:inline-image}}
真係可以話係一笑傾城！（電影截圖）
柏安妮息影後重返校園，佢講過喺1992年拍電影《俠盜高飛》時，已經喺香港大學攻讀生物系，仲要常時喺片場做功課。Ann後來喺香港大學獲得學士學位，之後喺理工大學獲得職業治療學位。
{{hket:inline-image name="1509524677-14f454.jpg"}}{{/hket:inline-image}}
《俠盜高飛》演發哥背後嘅女人，索到癲！（電影截圖）
{{hket:inline-image name="304b504d783971374746.jpg"}}{{/hket:inline-image}}
（電影截圖）
柏安妮曾投身商界，加入無印良品擔任香港區品牌經理後，又重返校園進修，直至大約2000年開始成為兒童職業治療師，服務自閉症或過度活躍症嘅兒童。
從事專業兒科職業治療超過十五年後，Ann回到香港大學完成心理學研究生證書，隨後獲得臨床心理學碩士學位。柏安妮仲為兒童同青少年提供心理教育評估係Group Triple P（積極育兒計劃）和Group Stepping Stones Triple P（針對有特殊需要的兒童的積極育兒計劃）課程的認可推動者。
{{hket:inline-image name="TUNGSTAR5011595.jpg"}}{{/hket:inline-image}}
柏安妮同老公Calvin育有兩名女兒，呢位昔日女神，已經息影26年。（東星娛樂）
Ann曾經喺無綫財經資訊台節目《創科導航》擔任嘉賓，介紹本地及外國科技發展，講解腦電波反映人類專注力，佢指出現時不少家長擔心子女專注力，希望透過腦電波控制玩Game來訓練小朋友專注力，幫助小朋友改善專注力唔夠或患過度活躍症（ADHD）等問題。Ann依家已經56歲，節目中雖然見到佢容貌有啲歲月痕跡，但無減佢嘅魅力之餘仲多咗幾分成熟韻味同知性美！
{{hket:inline-image name="bf1bcb0cef8e6466804cb08b386ef3fb.jpg"}}{{/hket:inline-image}}
事業家庭都兼顧得好好！（電視截圖）
{{hket:inline-image name="JzE4AsF7gkKAIRVtM55kBqgkmWvWqaYNrgg2W64INls.jpg"}}{{/hket:inline-image}}
新時代女性典範！（電視截圖）
{{hket:inline-image name="bf1be16dfedd5aa94cf7cfc9de08e4f7.jpg"}}{{/hket:inline-image}}
天然美，好順眼！（電視截圖）
