大角咀小店有驚喜 Creamy明太子意粉

舖頭地址雖然寫大角咀，但其實比較近旺角塘尾道、在著名英記油渣麵附近。揭揭餐牌，有售咖啡、沙律、意粉……以為只是普通的咖啡店？但原來暗藏不少特別菜式。

菜式有多驚喜？以主菜為例，就有中西合璧的蟲草花x春雞、加了一層像肯德基脆雞的脆衣牛柳，又有肉骨茶x烤豬肋骨pork rib、東洋風的明太子櫻花蝦意粉，以及片皮鴨x意大利飯或刈包，可謂驚喜十足。

這店由一班年輕人經營，做菜不拘一格，推介大家試中西合璧的煙熏燒春雞，內裏釀入蟲草花及中東米，取材自媽媽拿手的住家蒸雞，不過就換上美國無激素走地雞同西洋煮法，更細心地在雞皮和雞肉之間，塞入迷迭香及牛油入味，臨上枱再煙熏，中西元素相當夾呢！

必試72.5%特濃朱古力

店內不少食物也是homemade，例如片皮鴨自家烤焗再手撕、漢堡包牛肉都是手打的、櫻花蝦自己烘、蛋糕每日烘焙，連奶昔和飲品用的士多啤梨醬、洛神花醬、山楂醬都是以新鮮原材料加糖煮，工夫可謂不少。

來到一定要飲他們自製的特濃朱古力，有凍有熱，不像Angelini那種厚杰，這裏的口感輕盈一點、朱古力味奶甜味多一點。甜品師會預製一個濃穠的朱古力醬作基調，用72.5%的黑朱古力粉加上朱古力粒及黃糖製，再加明治4.3奶打成，凍飲版本會用攪拌機打勻，所以口感特別滑，直接入樽冷藏。味道調配不錯，72.5%朱古力有人會覺得苦，但加上散發天然奶脂甜味的4.3奶，朱古力味和奶味「一樣咁爭氣」呢！

Easy Joe二世祖

地址︰大角咀福全街18號地舖（近塘尾道）

電話︰2506 0638

營業時間︰星期二至日12nn-10:30pm，星期一休息（公眾假期除外）

平均消費︰午市$70、晚市$150

編輯︰余運慶

美術︰陳超雄