容祖兒自爆與Chilam「同居」

容祖兒前晚舉行第14場個唱，邀得農夫與張智霖（Chilam）任表演嘉賓。農夫在台上大展搞笑本領，猶如舉行小型棟篤笑，祖兒笑指農夫是天生一對：「一個咁高，一個無咁高。一個長期唔夠飯，呢個食埋佢嗰碗飯。」

農夫落台後，祖兒開心跟觀眾說︰「阿姐好高興決定賣大包，準備咗一首我好喜歡嘅歌送畀大家。」然後祖兒唱出《祝君好》介紹Chilam出場，令觀眾十分驚喜。他們前晚披露不可告人的秘密，Chilam說：「我哋兩個關係，正所謂『遠親不如近鄰』！」祖兒笑說：「我哋係『同居關係』，不過我哋住同一大廈，但唔同層！我見佢最多係喺停車場同電梯，喺同一舞台真係第一次。」