「隨時隨地滋味醫肚新選擇」

發佈時間: 2019/08/23

香港人日日夜夜為生活打拼，好多時想定定地坐低食得豐富啲都無時間。好在宜家喺便利店都買到新鮮甚至熱辣辣嘅美食，好似7–Eleven自家食物品牌 7–SIGNATURE最近就有新搞作，推出全新口味輕盈美食及日本直送滋味甜品，早午晚三餐連甜品一應俱全，餓起上嚟隨時隨地都有餐好食啦﹗

雙重享受之選

小編早餐最鍾意食雙拼三文治，感覺就好似食飯加餸咁，寧舍滿足。呢款吉列蝦餅拼蛋沙律三文治用咗炸至金黃、肉質彈牙嘅紅蝦，配上香濃塔塔醬，蝦餅鮮味突出；加埋爽脆椰菜絲平衡返炸蝦嘅油膩感，食落啖啖滋味。再加埋味道清新嘅蛋沙津三文治，簡單一餐同時享受兩種滋味。

遇著工作繁忙嘅日子，連食飯都無時間，飯糰係輕食好選擇。明太子沙津 x 玉子燒飯糰雙式飯糰，用咗日本直送明太子醬及金黃鬆軟嘅日式玉子燒，味道香甜有蛋香，正宗日本人口味，食完即刻能量返晒嚟。

期間限定日本直送甜品

呢期必試人氣甜品 — 日本直送KOBITO x 7-SIGNATURE白桃啫喱忌廉泡芙及KOBITO x 7-SIGNATURE白桃忌廉瑞士卷。以表情抵死嘅醜比頭做主題包裝，泡芙口感鬆軟，白桃味忌廉加入和歌山白桃啫喱，啖啖滋味食唔停口。瑞士卷更加入白桃果肉，味道鮮甜又充滿果香，係忙裡偷閒甜蜜佳品。

日本傳統夏天甜品水玄信餅，係形狀好似水滴嘅波子汽水味啫喱，帶有檸檬味，再加上特製糖漿，口感清新涼浸浸，解暑一流。

7-SIGNATURE其他新口味美食推介

日式袋裝麵包選用100%日本麵粉，以日式烘焙技術製成，口感軟熟有彈性。朱古力白玉包用上日本朱古力及麻糬，入口甜而不膩。吞拿魚包使用吞拿魚、洋蔥及蛋黃醬，叮一叮再食更好味。

7-SIGNATURE飯盒不嬲選擇多，今期仲推出上海菜飯及炒飯系列。醬爆牛肉配上海菜飯使用京蔥、洋蔥及豆瓣醬爆炒嫩滑牛肉，超級惹味。鎮江骨配上海菜飯嘅鎮江骨酸酸甜甜，配搭上海傳統菜飯，食得開胃又方便。泰式咖哩肉碎炒飯加入肉碎、檸檬葉及各種調味料，充滿泰式地道風味。

（資訊）

最新文章