7-Eleven再推新品 歎日本直送飯糰啫喱忌廉泡芙

黛安不時會去7-Eleven買嘢食醫肚，三文治、飯同甜品都係心水之選。7-Eleven公關姊妹話，佢哋自家品牌7-SIGNATURE今期推出10款新食品，好似唔少人捧場做早餐嘅軟包三文治系列，今期就首推同日本7-Eleven同款嘅吉列蝦餅拼蛋沙律三文治，一次享受兩種滋味。

除咗三文治有質素，公關姊妹仲推介，佢哋嘅雙式飯糰亦新推明太子沙律×玉子燒飯糰，選用日本直送明太子醬同日式玉子燒，味道香甜。至於日式袋裝麵包亦有全新朱古力白玉包同吞拿魚包，口感豐富。仲有今期首推嘅醬爆牛肉配上海菜飯、鎮江骨配上海菜飯，同全新泰式咖喱肉碎炒飯，絕對係午餐首選。

黛安作為甜品控，最驚喜嘅係佢哋今期主打日本直送嘅KOBITO×7-SIGNATURE白桃啫喱忌廉泡芙、KOBITO×7-SIGNATURE白桃忌廉瑞士卷，桃味盛濃。

如果唔想食桃，可以揀日本直送、香港限定嘅KYOTO LAIMANT波子汽水味雨滴啫喱，一樣超好味。