蔡一傑享受做獨行俠

蔡一傑昨日到電台宣傳新歌《獨行派對》，歌詞講述獨行俠也可以活得十分精采。單身多年的傑仔，亦完美示範一個人也可以活得開心，他表示︰「我成日一個人游水、買餸、煮飯、打邊爐同燒嘢食，有一人火鍋同一人燒烤包嘛，我仲成日自己一個去旅行。」傑仔又透露新歌邀請到林若寧填詞，恭碩良打鼓，他更首次在早上錄音︰「入行30幾年都未試過朝早11點錄音，平時都係夜晚，所以嗰日8點就起身開聲。」稍後舉行音樂會的傑仔，會請蔡一智和蘇志威睇騷，但不會請他們上台，他說︰「唔會有草蜢嘅嘢，亦唔會有跳舞同珠片衫，會以音樂出發。」