溫碧霞（Irene）和家人抓住暑假的尾巴，特別趁開學前一家三口飛峇里旅行度假，在她的照片中見到兩公婆在美麗的夕陽下攬到實一實，非常恩愛，而囝囝亦笑得非常開心，Irene說：「因為仲有工作同要錄音，所以公司唔畀我放太長假期，大概玩一個星期就返香港，一家三口周圍去玩同埋食嘢，真係好開心。」她表示今次旅程日日游水、踩單車、打波同做瑜伽，運動量很大，所以不擔心會增磅。
Irene難得工作中有空檔，特別飛到峇里跟家人度假。(圖片：大會提供)
Irene同老公一向恩愛，去旅行都是孖公仔。(圖片：大會提供)
靚人靚景。(圖片：大會提供)
囝囝愈大愈高，曬得一身古銅色肌膚。(圖片：大會提供)
經常見到Irene一家三口甜蜜溫馨的外遊照，但其實幸福來得一點都不易，Irene曾經在節目《霎時感動》中透露自己童年時的身世，由於家境窮困，媽媽一度將她賣走，她說：「細細個時住調景嶺，我一家有8兄弟姊妹，我有4個哥哥3個家姐，我係最細一個。當時細個環境唔係咁好，就發生一次令我一生一世都唔會忘記嘅事。當時屋企金錢上面有困難，我大約4-5歲，媽媽帶我出街，去見一個叔叔，個叔叔我都認識，佢一直都好錫我，我就見媽咪收咗叔叔一筆錢，之後佢就叫我跟叔叔返屋企，佢話：『去叔叔屋企生活會過得好開心，令你生活得好好！』當時我好驚，不停攬實媽咪狂喊，後來叔叔就同媽咪講：『呢筆錢你攞返去！』後來媽媽就帶我返屋企。」
Irene經歷幾乎被媽媽賣掉的日子，令她發奮要努力工作為家人爭取更好的生活。(圖片：東星娛樂)
雖然曾經被媽媽意圖賣走，但Irene從來沒有埋怨和責怪任何人，她說：「我冇怪過媽咪，因為當時真係環境唔好，經歷呢件事後，反而好希望自己長大後可以做好啲，令自己家人可以有個好好嘅環境同生活得開心啲，所以好細個就好努力工作，細個雖然好窮，但好快樂。」Irene到15歲被星探發掘而入行，拍攝多部電影和電視劇，其中1992年的《火玫瑰》入面的「海潮」一角更是深入民心。Irene在2000年跟香港富商何祖光結婚，二人一直未有打算生小朋友，直至10年後，兩公婆在內地收養一名被遺棄在火車站的孤兒，更尋找醫生把他的皮膚病和咳嗽治好，為他改名作何國倫。Irene一直以來都將囝囝視如己出般看待，每次有假期都會陪囝囝去旅行出國，將最好的生活安排給他，絕對是最佳媽媽！
老公非常愛錫Irene，一直支持她幕前的工作。(圖片：東星娛樂)
老公早前帶同囝囝一齊欣賞Irene的演唱會。(圖片：東星娛樂)