【聲明】港生活網站並無進行電話推廣活動

迪士尼「盛」夏派對 剩食再造 減少浪費

發佈時間: 2019/08/22

剩食再造,一樣可成美味食物,黛安知道,香港迪士尼自2014年以來,一直同慈善團體膳心連基金(膳心連)合作,由3間度假區酒店嘅餐廳收集安全剩食,轉贈畀社會上有需要嘅人士。早幾日佢哋就聯同160名來自庭恩兒童中心嘅受助家庭和小朋友,一齊參與剩食再造活動「Cookie與小廚師『盛』夏派對」,一齊學習珍惜食物、減少浪費!

活動畀大家一齊發揮無限創意和想像力,善用剩食包括朱古力蛋糕碎,製作可愛嘅Cookie小蛋糕。香港迪士尼酒店行政總廚麥錦駒仲同大家分享,平日喺屋企可以收集尚可食用嘅食材轉化做美食,例如麵包可用嚟製作布丁、用水果配搭咖喱、食剩嘅白飯就用嚟炒飯、魚骨同菜葉都可用嚟煲湯等。

膳心連基金營運總監翁懿華就話,好高興獲香港迪士尼多年來支持,希望將呢個信息帶到社區每一個角落,等更多人受惠,令社區少一點浪費、多一點珍惜。

撰文: 黛安 消息特靈八卦公關
欄名: 八卦名利場