同巨型咖啡杯打卡 工作坊DIY創意產品

憑紙雕咖啡杯闖出名堂嘅韓國藝術家Soo Min Kim（@fseo），原來呢個暑假將佢嘅作品帶咗去荃灣千色匯同元朗千色匯展出。黛安聽公關姊妹講，兩個商場都有以1︰18比例嘅巨型咖啡杯布置，方便大家走入去同打麻將、爬包山等經典香港主題「縮影」打卡。

大家仲可以喺禮賓部領取期間限定明信片，喺唔同樓層找出指定蓋印站「CUP」上3款印仔，就可以免費換到1個伸縮氣囊手機支架；展期到9月1日咋。

另外，嚟緊星期六同日（24號及25號），分別喺荃灣千色匯同元朗千色匯，以電子貨幣即日消費滿100蚊或以上，更可換領創意工作坊入場證乙張，喺導師指導下DIY環保杯套或紙杯手機擴音器，教小朋友升級再造嘅理念，共同體驗環保生活，記得數量有限，先到先得㗎。