【聲明】港生活網站並無進行電話推廣活動

同巨型咖啡杯打卡 工作坊DIY創意產品

發佈時間: 2019/08/22

憑紙雕咖啡杯闖出名堂嘅韓國藝術家Soo Min Kim(@fseo),原來呢個暑假將佢嘅作品帶咗去荃灣千色匯同元朗千色匯展出。黛安聽公關姊妹講,兩個商場都有以1︰18比例嘅巨型咖啡杯布置,方便大家走入去同打麻將、爬包山等經典香港主題「縮影」打卡。

大家仲可以喺禮賓部領取期間限定明信片,喺唔同樓層找出指定蓋印站「CUP」上3款印仔,就可以免費換到1個伸縮氣囊手機支架;展期到9月1日咋。

另外,嚟緊星期六同日(24號及25號),分別喺荃灣千色匯同元朗千色匯,以電子貨幣即日消費滿100蚊或以上,更可換領創意工作坊入場證乙張,喺導師指導下DIY環保杯套或紙杯手機擴音器,教小朋友升級再造嘅理念,共同體驗環保生活,記得數量有限,先到先得㗎。

撰文: 黛安 消息特靈八卦公關
欄名: 八卦名利場