【聲明】港生活網站並無進行電話推廣活動

草蜢做嘉賓 傑仔邀祖兒做和音

發佈時間: 2019/08/22

容祖兒《Pretty Crazy演唱會》前晚演出第15場,請來草蜢擔任嘉賓,三隻草蜢又唱又跳,與祖兒勁歌熱舞,帶動全場氣氛。

祖兒介紹嘉賓時說︰「連日來粒粒巨星,真係你想要乜都有。今日係昆蟲類,有三隻,有一個跳舞跳到開學校,有個跳到頭髮長過我,有個跳到扭下擰下遲啲仲自己開演唱會,有佢哋嘅地方好似開party咁開心,有我嘅地方點少得佢哋,大家要用熱烈掌聲歡迎佢哋。」觀眾即開心拍掌起哄歡呼。

即場點唱《ABC》

祖兒先與草蜢合唱《失樂園》,繼而因祖兒點唱而再合唱《ABC》。之後台上四人聊天,祖兒不忘恭喜蔡一傑即將開個人演唱會,又好熱情追問傑仔要不要請嘉賓,傑仔尷尬怕唔好意思︰「你係咪好想,我有個空缺,你想唔想玩另類啲,做和音?」祖兒直認對這方面不熟,而傑仔笑言不是推她,只是沒想過祖兒作為天后級歌手,會答應做嘉賓,祖兒立刻表示︰「你咁難得自己開演唱會,你點使唔好意思呀!你又係小嘢咩!你都係Diva!」

撰文︰Pauline

編輯:黃卉彤

美術:梁政敏

蔡一傑將於10月舉行個人演唱會,祖兒自薦做嘉賓。