容祖兒《Pretty Crazy容祖兒演唱會》原本舉行合共18場，後來因舞台意外補辦一場，昨晚舉行第16場的演出，胡定欣、周柏豪、莊思明、江嘉敏、洪卓立 、鄧建明等均有來捧場。當晚祖兒邀請到好友張敬軒擔任嘉賓，祖兒一開始窒軒仔只讚謝霆鋒靚仔而忽略「緋聞好友」關智斌，後來才一本正經開口多謝軒仔十幾場演唱會以來，一直無條件照顧同付出，在後台為她打點一切。
相關新聞：【傑出公關系列】容祖兒演唱會遲開爛台一波三折 宣布下周一觀眾憑票尾再睇
胡定欣同男伴一齊睇騷。(圖片：大會提供)
昨晚邀請到好友張敬軒擔任嘉賓。(圖片：大會提供)
軒仔亦大爆祖兒為演唱會默默付出，他在後台見到一切，他說：「大家知唔知係佢呢副瘦削身軀、咁大條裙入面包住身上幾多傷，淨係腳嘅範圍，每日貼膠布著高踭鞋，佢皮外傷、 內傷.......今日開騷前仲要去針灸同睇骨科。祖兒係騷前，好擔心唔可以將最好狀態帶上舞台，佢怕自己令大家失望，佢不斷付出自己，佢真係搵命搏，我未見過一個藝人 ，凌晨完騷喉嚨重插住六枝針，就係為咗保證第二日有最好狀態見大家！」祖兒此時已經忍不住落淚，台上歌迷大為心痛，不停大叫「加油」。
被軒仔踢爆全身傷，祖兒都忍不住落淚。（圖片：大會提供）
這對歡喜冤家經常搞笑，但內心好錫對方。(圖片：大會提供)
祖兒揚言可以為張敬軒做「代母」生育下一代。(圖片：大會提供)
祖兒答謝軒仔每晚都有在後台幫忙打點，其實演唱會根本就跟他無關，但為朋友實在太有義氣，祖兒說：「你對我大恩大德，小女子沒齒難忘。多謝你張敬軒，點樣報答你好呢？我諗過呀，對佢最大報答呢就係......」軒仔即時截斷她的說話說: 「唔使你以身相許啦！」估唔到祖兒今次真係語出驚人，她說: 「唔係以身相許，如果你需要一個人，而你將來識不到一個女朋友嘅話，我可以做代母，係泰國捐精.....」
軒仔為祖兒的演唱會順利演出，晚晚在後台打點。(圖片：大會提供)
相關新聞：容祖兒演唱會隱藏高手是康子妮 前TVB演員爆紅 背景勁到估你唔到
張敬軒被她的狂言嚇窒，兜個大圈拒絕祖兒，軒仔說：「咁我泰國搵得啦，你啲基因.....都好好，不過我覺得呢世珍惜做朋友嘅緣份就夠呀喇！第時我去你屋企，我應該叫你媽咪做外母好，定Auntie好呢？現場單身男士，真係可以上IG留吓言畀祖兒。」軒仔隨後跟祖兒合唱《櫻花樹下》，不過歌迷就嫌唔夠喉，軒仔立即換上一件印有火龍果的外套，同祖兒合唱惡搞版本的《Pretty Hungry》，台下觀眾更在座位底下執到軒仔預先安排的火龍果，一邊跳舞一邊舉火龍果，認真爆笑！
軒仔(左)早前惡搞容祖兒的演唱會海報。(圖片：張敬軒IG)
兩人大唱「惡搞版」《Pretty Hungry》。(圖片：大會提供)
張敬軒出道多年以來，一直都鮮有緋聞，來港初期因經常跟王菀之拍檔而傳出緋聞，但後來軒仔跟關智斌傳出「斷背緋聞」，一傳就傳足十年，不過有傳二人已經分手，去年軒仔演唱會邀請Boyz擔任嘉賓，被形容為「再見亦是朋友」，但軒仔一直以來都沒有正面承認關係。
軒仔曾跟王菀之傳過緋聞。(圖片：張敬軒IG)
軒仔去年跟Boyz在台上合體，再次成為話題。(圖片：關智斌IG)
軒仔跟關智斌傳聞分手後，一直都未有新的緋聞對象。(圖片：東星娛樂)