馬浚偉開騷 請女神周慧敏做嘉賓

馬浚偉（馬仔）昨日在大角咀舉行記者會，宣布將於十月底開始舉行七場《Dream Big》演唱會，馬仔透露已邀請陳志雲、泳兒、梁釗峰及王灝兒（JW）等任嘉賓。提到10月26日正是馬仔生日，他專程安排女神周慧敏（Vivian）現身，馬仔說︰「Vivian知道我開演唱會就話嚟做我嘉賓，我安排佢喺我生日嗰日嚟，希望可以同佢合唱《最愛》或者《美少女戰士》，電視台朋友好似黎姿、馬國明同張玉珊都應該會嚟睇。」

馬仔又透露近日已開始體能訓練，又自爆早前曾經營養不良，被中、西醫勒令要吃肉，他說︰「我食素食咗幾年，無減少運動，不過依家血壓低又貧血，醫生話唔想死就要食肉。」

攝影︰林良明