《愛回家之開心速遞》今晚將播放的一集，講到熊心如（蘇韻姿飾）在家人支持下，決定參選「美麗小姐」選舉。在預告片中所見，心如穿上橙紅色的貼身連身裙，明艷照人，而身旁的參賽者見到有池美麗（鍾凱琪飾）和去年落選港姐何泳芍。蘇韻姿率先在社交平台上載照片，原來劇中的連身裙正是她3年前參選港姐，面試當日所穿的連身裙，連高跟鞋都配埋一模一樣，認真有心思。
蘇韻姿接受《晴報》訪問，她笑言：「你知唔知我幾驚？當時劇情係講熊心如第一次落車見記者，睇完劇本之後，我問導演可唔可以著私伙衫，因為我想著返當年第一次見記者嘅同一套衫，導演仲笑我：『你拉得到拉鏈先講啦！』，好彩拉到，(刻意留住條裙？)對，因為我好鍾意條裙，而且只係著過一次，個款又易襯，唔想浪費，好彩仲啱著。著返上身之後，連高踭鞋都著返一樣，個感覺即刻返番嚟，原來選美都可以有take 2！」蘇韻姿直言在《愛回家》仍然是一個經驗較淺的後輩，但沒想到不經不覺已經入行3年。
(《晴報》圖片)
(圖片：《愛回家之開心速遞》電視截圖)
(圖片：《愛回家之開心速遞》電視截圖)
(圖片：蘇韻姿IG)
提到近日劇情交代大學生之間，校花女神Venus（鄺潔楹飾）再現，搞到池子孝（阮政峰飾）同佐治（張明偉飾）神暈顛倒，令原本鍾意心如的兩位突然變心，蘇韻姿說：「係啦，佢哋追第二個女仔，仲要同一時間鍾意同一個，冇計啦，眼光好，佢兩個原本都鍾意我，所以又撞對象係合理。今集講我選美，等心如成長一下，學識點吸引人，再睇吓同朱天梯 (梁証嘉飾)有冇得發展。」問到同鄺潔楹爭男友，會否怕輸給女神？蘇韻姿說：「我哋兩個各自有唔同風格，我比較man，佢就斯文啲，我都係女神！」
蘇韻姿參加《2016年度香港小姐競選》，當年奪得殿軍而入行。不過，原來《愛回家》入面好多演員都係選美出身，你又數唔數得出有邊幾個呢？
1. 呂慧儀（演熊若水）：2004年獲得工展小姐冠軍，而2006年參加《香港小姐競選》獲得季軍。
(圖片：《愛回家之開心速遞》電視截圖)
2. 林淑敏（演龍力蓮）：2000年參加《香港小姐競選》，在決賽中擠身五強，並贏得「網上最奪目小姐」獎項。
(圖片：《愛回家之開心速遞》電視截圖)
3. 岑杏賢（演Icy)：2012年度參加《香港小姐競選》，奪得「最上鏡小姐」、「最佳首飾演繹大獎」及「時尚目光獎」。
(圖片：《愛回家之開心速遞》電視截圖)
4. 陳偉琪（演雷珍妮）：2011年參加溫哥華華裔小姐競選獲得亞軍、「最上鏡小姐」及「最優雅模特獎」，回港後參選2013年度《香港小姐競選》，並獲得「現場最受歡迎佳麗獎」。
(圖片：《愛回家之開心速遞》電視截圖)
5. 樊亦敏（演白天娥）：1991年參加《香港小姐競選》獲得「最上鏡小姐」獎。
(圖片：《愛回家之開心速遞》電視截圖)
6. 何艷娟（演龍作蜜）：2014年度《香港小姐競選》勇奪季軍。
（圖片：東星娛樂）
7. 謝㺭圻(原名：謝芷倫，演Mandy）：參與2014年《香港小姐競選》
(圖片：謝㺭圻IG）
8. 邵珮詩： 2014年度《香港小姐競選》冠軍、2012年度溫哥華華裔小姐競選及2015年度國際中華小姐競選之亞軍得主。
(圖片：邵珮詩IG)
9. 湯盈盈(演高柏菲)：1994年參選加拿大滿地可小姐奪冠，1995年去香港參選《國際中華小姐競選》
(《晴報》圖片)
10. 劉思希（演楊洋)：《2009年中華小姐環球大賽》進入決賽12強，並獲得「友誼小姐」。參選《2011年度香港小姐競選》。
(圖片：劉思希IG)
11.姚瑩瑩(演Helen）：1991年奪得新加坡小姐冠軍並代表新加坡參加環球小姐
(圖片：《愛回家之開心速遞》電視截圖)
12. 林凱恩（演Bonnie)：2015年度《香港小姐競選》奪得「友誼小姐」。
(圖片：《她她她的少女時代》電視截圖)
13. 林漪娸(演朗拿度太太)：1980年林漪娸以原名林綺雯參加《香港小姐競選》奪得第四名。
(圖片：東星娛樂)