現年48歲嘅周嘉玲1991年參加香港小姐贏得亞軍後就開始咗佢嘅銀色旅途，同年嘅冠軍郭藹明同季軍蔡少芬都喺圈中有唔錯嘅發展。周嘉玲中學時返回香港考入港大法律系，畢業後成為一名律師。但機緣巧合下周嘉玲被星探發掘並鼓勵佢出嚟參加選美。
▲《重慶森林》截圖
90年代拍過多部電影和電視劇，當中以《重慶森林》扮演梁朝偉嘅空姐前女友最為人所熟悉，二人更因此傳出緋聞。其中周嘉玲與梁朝偉有一幕大膽情慾場面，性感而不低俗，周嘉玲更憑《重慶森林》提名第14屆香港電影金像獎最佳女配角。
▲《重慶森林》截圖
▲《重慶森林》截圖
之後周嘉玲改名Rachel Shane闖荷里活，先後參演《幻覺》、《決戰2025》同動作片《龍橋》。
▼更於1998年成為首位華人獲得國際化妝品牌的廣告合約。 （左一）（1998化妝品牌Poster）
▲2002年於《不寒而慄》中演出後息影。
與印度裔丈夫衝破障礙
2005年周嘉玲閃嫁只拍拖9個月嘅比利時籍印度裔室內設計師Goveas Darryl William（高達龍），婚後育有一女。呢段戀情最初不被睇好，就連佢自己都擔心人哋嘅眼光：「我爹哋係比較傳統，佢（老公）始終係啡色皮膚，唔知啲人點睇？」二人拍拖初期，出街十分低調，周嘉玲甚至唔想帶Darryl出嚟，當時兩口子都曾為此鬧不快。有一次同丈夫坐飛機，聽到有兩位空姐講：「周嘉玲同個阿差一齊呀？」佢嬲到要對方馬上同佢道歉。當時佢丈夫話唔明白點解咁，Darryl話唔係第一次同亞洲女仔拍拖，周嘉玲解釋，因為自己係娛樂圈嘅人，除咗面對家人，仲要面對埋其他人。
東星娛樂圖片
不過Darryl對佢嘅愛衝破一切障礙，周嘉玲話Darryl令佢開心咗好多，佢形容Darryl係第一個畀到佢信心，會係一個無條件錫佢同照顧佢嘅人，當佢遇到呢個人嘅時候，就放鬆晒所有壓力。
事業家庭兩得意
周嘉玲轉戰fashion界，喺佢40歲嗰年佢毅然離開工作10年嘅公司，踏上創業路賣童裝。佢話乜都要親力親為，唔好話賺大錢，唔蝕都當賺，但過程帶畀佢好大滿足感咁話，性格女神始終如一。
東星娛樂圖片
自然老去嘅女神最美
周嘉玲曾講過有客串性質的角色都有興趣過過戲癮。唔介意演媽媽、媽媽生、醜角、奸角、老角都可以，出場不久就死了都可以，角色與現實生活完全不同就仲好玩，話依家演戲都係為咗趣味。佢話自己依家不時都會影相，想趁個樣仲過得去嘅時候記錄低，順便檢查狀態，睇吓自己保養得好唔好。佢自言已經唔年輕，但起碼笑起來好自然。
▲（《監獄建築師》短片截圖）
▲（《監獄建築師》短片截圖）
▲（《監獄建築師》短片截圖）
終於周嘉玲喺上年闊別幕前多年後再度演出，由著名中國藝術家曹斐執導，大館委約製作電影《監獄建築師》。此片入圍第六十九屆柏林國際電影節「論壇延展」界別。
（INSTAGRAM圖片）
（INSTAGRAM圖片）
周嘉玲早前曾到電台接受訪問，冇美顏之下，雖然歲月喺佢面上留低咗痕跡，但女神依然「好睇得」，佢嘅美，係由內到外、再到返內。