要扮一個人扮得維妙維肖絕不容易，不過TVB除了「最強扮嘢王」李思捷可以還原四大天王外，原來連林子善都得！近日林子善模仿郭富城唱歌的短片在網上爆紅，大家都激讚林子善演出超班，為樂壇隱世歌星，入行20年終於上位。
揭開顧家好男人秘密 林子善變新一代扮嘢王
綜藝節目《流行經典50年》喜歡邀請演員出身的藝人到節目的「我不是歌手」環節演唱經典金曲，今次請到林子善翻唱郭富城的代表作《愛的呼喚》。平時大家只知道林子善是健身教練，以及4間龍鳳冰室的老闆，但其實他的「扮嘢」功力相當出色，唱功、聲線、抑揚頓挫與郭富城似足9成，只是差少少氣，但以業餘歌手身份來說就是水準之上。除了現場觀眾為其呼喊，網上反應都非常熱烈，有網民以他在《十二傳說》的戲名Dali大師稱呼他，大讚好驚喜：「一身西裝令人刮目相看，大師好嘢！」、「一鳴驚人，match唔到佢平時做戲把聲」、「呢首應該係飲歌，唱得好投入，用聲很好，以為城城唱」、「可轉做歌手，比起新人好太多」。有人讚，亦有人彈，部分網民就批評：「點解刻意模仿原唱者，係唔係模仿大賽？」、「歌手嚟講唔夠技巧」、「唔使咁造作，冇晒自我風格。」
(TVB電視截圖)
(TVB電視截圖)
▼不如對比郭富城原版，睇睇似不似？
今次林子善因唱歌爆紅，實屬難得，皆因入行20年的他事業路頗崎嶇不平。林子善從小於沙田及屯門長大，父母則在屯門經營大牌檔。直至16歲時林子善入行，在周星馳的《喜劇之王》飾演洪爺，搞笑又搶鏡，隨後繼續演戲。2005年，林子善試過承辦夜場打碟和活動工作，同年加入TVB，可是大多只飾演配角，去到《怒火街頭》才獲提名「飛躍進步男藝員」及「最佳男配角」。雖然演藝夢難追，試過2年沒工開，不過林子善的積蓄都用來買3層高村屋送給父母，自己在港島租屋住；還因哥哥與兄嫂的BB快出生，將結婚老婆本借予他們做首期。林子善解釋，一世人兩兄弟，有能力不幫忙就太沒有義氣。及後，林子善努力賺錢再儲蓄，終花費過百萬為老婆搞豪華婚宴，他笑言一生人只有一次結婚，老婆想要甚麼都盡量滿足，自知演員收入不穩定，所以考定健身教練證書，萬一沒工開就可以當教練，不會餓壞老婆。
(林子善instagram)
最強扮嘢王李思捷地位不變 短片再被熱捧
講起扮嘢王不得不提李思捷，他模仿能力高超，曾扮過不少天王巨星唱歌，包括鄭少秋、張國榮、四大天王等，神態舉止維肖維妙。他也曾變聲假扮周星馳，打電話作弄黎芷珊，單憑聲線便騙倒對方，功力出神入化。最近李思捷於《她她她的少女時代》扮演前組合「Diamond」成員高浩宇，與田蕊妮有不少對手戲，難怪特別入型入格。