張智霖牛一床上開Live

張智霖（Chilam）昨日48歲生日，他前晚臨睡前與太太袁詠儀（靚靚）躺在床上玩直播，身穿T恤的Chilam向靚靚要求養貓，但遭否決，她揚言要顧及愛犬「阿金」的感受，不過Chilam繼續爭取說︰「點解我咁想養一隻貓呢，係因為我覺得一隻貓會令我開心，返到屋企係想見到啲開心嘅嘢。」靚靚即反駁︰「你依家返到屋企好唔開心咩？你自己諗得太多，又話貓會幫你按摩，貓好高傲㗎！」Chilam即刻聲綫高八度說︰「I love高傲。」又暗示收工回家時會有另一隻寵物出現，但靚靚斬釘截鐵︰「一定唔會。」